Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana Balette «Leonıd Ilıch Brejnevke qarsy Jarqanat adam» sahnalanady

2021 jyldyń 28 qazan 2021 19:15

NUR-SULTAN. QazAqparat – 27-31 qazan kúnderi reseılik Kishi Bronnaıadaǵy teatrdyń Qazaqstandaǵy gastroli ótedi, dep habarlaıdy QazAqparat tilshisi.

Gastrol aıasynda «Astana Balet» teatrynyń sahnasynda rejısser Sasha Denısovanyń «Leonıd Ilıch Brejnevke qarsy Jarqanat adam» spektakli kórsetiledi.

«Nur-Sultanǵa kelgenimizge óte qýanyshtymyz. Bul bizdiń alǵashqy halyqaralyq saparymyz. Kúrdeli kezeńde de gastrol ótkizip jatyrmyz. Spektakldi uıymdastyrýshylar jáne bizdiń teatrlar Nur-Sultan kórermenderin qýantýǵa kúsh-qýat pen múmkindik tapty. Teatr úshin eń mańyzdy nárse – akterler men kórermender arasyndaǵy baılanys. Onsyz teatr óledi. Biz ózimizdiń sońǵy premeralarymyzdyń biri – «Leonıd Ilıch Brejnevke qarsy Jarqanat adam» spektaklin ákeldik. Bul spektakl alty aı buryn jaryq kórdi, ol synshylar men kórermenderdiń oń baǵasyn alǵan. Endi nursultandyq kórermenderdiń de kóńilinen shyǵady dep úmittenemiz», - dedi teatrdyń rejısseri ári kórkemdik jetekshisi Konstantın Bogomolov «Astana Balette» ótken baspasóz máslıhatynda.

Spektakl sıýjeti Jarqanat adam KSRO-da toqyraý kezeńinde ómir súrgen keńes azamaty bolsa, ne ister edi degen taqyryptaǵy fantazııaǵa qurylǵan. Komıks keıipkeri KSRO-da turatyn qarapaıym jazýshy Dýdochkınniń esimin jamylǵan. Syrt kózge sylbyr kórinetin ol mıllıondaǵan keńes azamatynyń biri. Ymyrt úıirile Tolıa Dýdochkın qara qanatyn jaıyp, ózi jetildirgen «Jıgýlı» kóligine minip, toqyraýdaǵy Gotem-Grad qalasynyń zalymdaryn jazalaıdy. Klesh-djınsy kıgen keıipker – qarapaıym keńes azamattarynyń qorǵany. Oqıǵa barysynda ol óziniń ǵashyǵyn jolyqtyrady.

«Spektakldiń ózi bir jaǵynan ıronııamen, lırızmmen úılesedi. Bul qoıylym keıipkerleri 70-jyldardyń aıaǵy men 80-jyldardyń basyndaǵy zamandy kórsetedi. Bul adamdar, otbasy, sezim, qarym-qatynas týraly qoıylym», - deıdi K. Bogomolov.




«Bul bizdiń alǵashqy halyqaralyq týrymyz. Teatr sońǵy eki aptada Reseıdiń Omby qalasyna gastroldik saparmen bardy. Bizdi Nur-Sultan jyly qarsy alyp jatyr. Gastrol áli de jalǵasady jáne bul uzaqmerzimdi yntymaqtastyq bolady dep úmittenemin», - Kishi Bronnaıadaǵy teatrdyń dırektory Elena Mıronenko.

Aıta keteıik, Kishi Bronnaıadaǵy Teatr – 1945 jyldyń naýryzynda negizi qalanǵan Máskeý drama teatry. Tuńǵysh jetekshisi jáne rejısseri Sergeı Maıorov bolǵan. Bronnaıadaǵy Teatrdyń 74-shi maýsymynyń shymyldyǵyn jańa kórkemdik jetekshi – rejısser Konstantın Bogomolov ashty. Ol osy laýazymyna 2019 jyldyń maýsymynda taǵaıyndalǵan edi. Qazirgi kezde teatr jas daryndy rejısserlerdi shyǵarmashylyq yntymaqtastyq qurýǵa shaqyryp, túrli tyń spektaklder men jobalar júzege asyrylýda.








Joǵary qaraı