Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana áýejaıynda kabeldiń tuıyqtalýy boldy – zardap shekkender joq

2021 jyldyń 26 qyrkúıek 2021 19:17

NUR-SULTAN. QazAqparat – Elorda áýejaıynda kabeldiń qysqa tuıyqtalýynan termınaldy tútin basty. Oqıǵaǵa qatysty Nursultan Nazarbaev halyqaralyq áýejaıynyń baspasóz hatshysy Ánýar Shálekenov túsinik berdi, dep habarlaıdy QazAqparat tilshisi.

«Halyqaralyq termınalda, ushyp shyǵýdyń 8-inshi geıtinde nóserge qarsy qubyrdyń jylytý kabelinde tuıyqtalý boldy. Tútin geıtten termınalǵa jaıyldy. Bul ýaqytta geıtte jolaýshylar bolǵan joq. Tıisti qyzmetter shuǵyl áreket etti. Zardap shekkender joq.

Áýejaı shtatty rejımde jumys jasap tur. Reısterdiń keshigýi bolǵan joq», - dedi Nursultan Nazarbaev halyqaralyq áýejaıynyń baspasóz hatshysy Ánýar Shálekenov.

Tútin basqan termınaldan túsirilgen vıdeo áleýmettik jelilerde tarady.


Joǵary qaraı