Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana ákimi Táýelsizdiktiń 30 jylyndaǵy basty oqıǵalardy atady

2021 jyldyń 3 jeltoqsan 2021 16:08

NUR-SULTAN. QazAqparat – Nur-Sultan qalasynyń ákimi Altaı Kólginov Táýelsizdiktiń 30 jylynda bolǵan eń mańyzdy oqıǵalar týraly pikir bildirdi, dep habarlaıdy QazAqparat tilshisi.

«Táýelsizdiktiń 30 jyldyǵy boıynsha aıtsaq, qala tarıhyndaǵy eń eleýli oqıǵanyń biri - Elbasynyń el astanasyn aýystyrý sheshimin ataýǵa bolatyn shyǵar. Táýelsizdiktiń alǵashqy kezeńinde, qıyn jyldarda Elbasy kóp adamnyń qarsylyǵyna qaramastan saıası sheshim qabyldady. Qazir sol sheshimi qanshalyqty kóregendik bolǵanyn kórip otyrmyz», - dedi ol Ortalyq kommýnıkatsııalar qyzmetinde ótken brıfıngide.

Ákim el astanasy Aqmolaǵa kóshirilgen kezde qalada 270-280 myń halyq bolsa, qazir adam sany 1 mln 200 myńǵa jetkenin atady.

«Astanamyzda álemdik deńgeıdegi halyqaralyq sharalar ótip turady. Mysaly, Qazaqstan EQYU-ǵa tóraǵalyq etti. ıAǵnı, halyqaralyq deńgeıde moıyndaldy deýge bolady. Álemdik dástúrli dinderdiń sezin de umytpaıyq. Qazaqstan beıbitsúıgish el retinde beıbit sheshimder qabyldaý úshin bas qosatyn oryn bola alatynyn kórsetti. EXPO kórmesi sııaqty halyqaralyq deńgeıdegi sharalar men strategııalyq mańyzdy sheshimderdi erekshe ataýǵa bolady. Ózim óńirde jumys istegen kezde astanaǵa qarap boı túzeýge tyrysatynbyz. Osy baǵyttardy ataýǵa bolatyn shyǵar», -dedi Altaı Kólginov.


Joǵary qaraı