Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Áskerı mindetin ótegender memlekettik organdarǵa jumysqa ornalasady

2022 jyldyń 3 mamyr 2022 13:11

NUR-SULTAN. QazAqparat – Qazaqstanda shuǵyl áskerı mindetin óteýge qyzyǵýshylyqty arttyrý maqsatynda birqatar shara qabyldandy. Ol týraly Qorǵanys mınıstriniń orynbasary, general-leıtenant Sultan Kamaletdınov málim etti, dep habarlaıdy QazAqparat tilshisi.

«Memleket basshysynyń tapsyrmasyna sáıkes, ásker qyzmeti salasynda birqatar bastama qolǵa alynyp jatyr. Sonyń ishinde shuǵyl áskerge qyzyǵýshylyqty arttyrý da bar. Atap aıtqanda, kredıti bar shuǵyl áskerı mindetin óteýshilerdi tólemnen ýaqytsha bosatý, sarbazdardyń otbasyna kommýnaldyq qyzmet aqysyn tóleýde jeńildik jasaý syndy sharýalar atqarylady. Sonymen qatar bilim berý salasynda da jeńildikter qarastyrylyp jatyr. Odan bólek, áskerı mindetin ótegen soń olardy memlekettik organdarǵa jumysqa ornalastyrý jospary bar», - dedi Sultan Kamaletdınov Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, shuǵyl áskerı mindetin ótýshilerdiń bilim alýyna erekshe mán berilmek.

«Osy oraıda bizdiń mınıstrlik eńbek naryǵynda suranysqa ıe 16 mamandyq boıynsha oqytady. Onyń qatarynda traktor júrgizýshisi, dánekerleýshi, kran júrgizýshisi, taǵy sol sııaqty mamandyqtar bar. Osylaısha jastar áskerı mindetimen qatar, suranysqa saı mamandyqty meńgerip shyǵady. Bilimdi mindetin ótep jatqan áskerı bólim jáne áskerı oqý ortalyqtarynda alady», - deıdi ol.


Joǵary qaraı