Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Áskerı qyzmetshiler arasynda qazaq kúresinen «Ásker barysy» týrnıri ótti

2022 jyldyń 27 naýryz 2022 00:14

NUR-SULTAN. QazAqparat - Qorǵanys mınıstrligi Ortalyq sport klýbynyń bazasynda áskerı qyzmetshiler arasynda qazaq kúresinen «Ásker barysy» týrnıri ótti, dep habarlaıdy QazAqparat.

Kil myqtynyń ishinde Qazaqstan Respýblıkasy Qarýly kúshteriniń, Ulttyq qaýipsizdik komıteti men Ulttyq ulan atynan 30-dan astam palýan baǵyn synady.

Jarys qorytyndysy boıynsha Qorǵanys mınıstrligi Ortalyq sport klýbynyń sportshysy kishi serjant Erasyl Qajybaev jeńimpaz atandy.

Ekinshi oryn kishi serjant Ádil Orazbaevqa buıyrdy.

Jeńimpazdar úshtigin «Shyǵys» óńirlik qolbasshylyǵynyń áskerı qyzmetshisi, aǵa leıtenant Talǵat Ámrenov tuıyqtady.

– Jeńis ońaı bolǵan joq, óıtkeni barlyq qarsylastar myqty daıyndyq pen kásibı sheberligin kórsetti, - dedi marapattaý rásiminen keıin kishi serjant Erasyl Qajybaev.

Týrnır jeńimpazy jáne ekinshi oryn alǵan fınalıst «Qazaqstan barysy» ulttyq kúresinen respýblıkalyq týrnırge qatysady.




Kishi serjant Erasyl Qajybaev 2018 jáne 2019 jyldary eki ret osy bedeldi respýblıkalyq jarystyń kúmis júldegeri atanǵanyn esterińizge sala keteıik.








Joǵary qaraı