Aýa raıy
Astana 6 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Áskerı kafedraǵa túsýshiler úshin medkomıssııadan ótý merzimi uzartyldy

2020 jyldyń 25 qyrkúıek 2020 14:55

NUR-SULTAN. QazAqparat – Áskerı kafedraǵa túsýshiler úshin medıtsınalyq komıssııadan ótý merzimi 10 qazanǵa deıin uzartyldy, dep habarlaıdy QazAqparat tilshisi.

Respýblıkalyq joǵary oqý oryndarynda qazirgi tańda 35 áskerı kafedra jumys isteıdi. Jyl saıyn 6 myńǵa jýyq zapastaǵy ofıtser kafedra bitirip shyǵady.

«Qazirgi ýaqytta óńirlerdegi stýdentterdiń basym bóligi medıtsınalyq kýálandyrýdan ótti. Nur-Sultan qalasynda qyrkúıek aıynyń alǵashqy kúnderinen bastap medıtsınalyq komıssııadan 1000-nan astam kandıdat stýdent ótken bolatyn. Joǵary oqý oryndarynyń áskerı kafedralaryna túsýge nıet bildirýshilerdiń kóptep kelýin eskere otyryp, respýblıka boıynsha medıtsınalyq kýálandyrýdan ótý merzimi 2020 jylǵy 10 qazanǵa deıin uzartyldy», - dep habarlaıdy Qorǵanys mınıstrliginen.

Eske sala keteıik, Qorǵanys mınıstrliginiń quzyretine reglamenttik rásimder kirmeıdi. Medıtsınalyq komıssııalardyń ornalasqan jeri, olardyń quramy men jumys kestesi jergilikti atqarýshy organdardyń sheshimderimen aıqyndalǵan. Ákimdikterdiń sheshimi boıynsha medıtsınalyq tekserý kún saıyn saǵat 14-ten 18-ge deıin júrgiziledi.


Joǵary qaraı