Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Áskerı bıletti joǵaltyp alǵan jaǵdaıda qalaı tez qalpyna keltirýge bolady

2021 jyldyń 24 qyrkúıek 2021 01:25

ÓSKEMEN. QazAqparat – «Azamattarǵa arnalǵan úkimet» ShQO fılıalynyń mamandary áskerı bıletti joǵaltyp alǵan jaǵdaıda qalaı tez qalpyna keltirýge bolatyndyǵyn túsindirip berdi, dep habarlaıdy QazAqparat tilshisi.

Áskerı bıletti joǵaltyp alǵan jaǵdaıda ony eki tásilmen – eGov portalymen nemese HQO júginý arqyly qalpyna keltirýge bolady.

«Bıletti eGov arqyly qalpyna keltirý úshin portalda avtorızatsııadan ótip, «Zapastaǵy ofıtserlerge, serjanttarǵa, sarbazdarǵa áskerı bıletter (áskerı bıletterdiń ornyna ýaqytsha kýálikter) nemese olardyń tólnusqalaryn berý» qyzmetin tańdaý qajet. Budan keıin «Qyzmetterge onlaın tapsyrys berý» batyrmasyn basyp, ETsQ nemese sms-parol arqyly qol qoıý qajet bolatyn arnaıy ótinimdi toltyrasyz. Tegin kórsetiletin qyzmettiń merzimi – 5-7 jumys kúnine deıin sozylady», - dep habarlady «Azamattarǵa arnalǵan úkimet» ShQOF baspasóz qyzmeti.

Eger azamat «Áskerı bıletti» HQO arqyly qalpyna keltirgise kelse, onda tıisti qujattardy jınaý qajet bolady.

«Qandaı qujattar kerektigin ortalyq keńesshilerinen nemese 1414 nómiri boıynsha bile alasyzdaz. Qyzmet kórsetý merzimi – 10 jumys kúni. HQO-ǵa júgingen kezde, ózińizben birge 3h4 fotosýretińiz bolýy kerek. Sondaı-aq fotosýret ótinish berýshiniń jasyna sáıkes kelýi jáne qatań túrde ashyq fonda tolyq kólemde túsirilýi tıis. Adamnyń bet-júzi jalpy fotoalańynyń 70%-yn alýy qajet», - delingen málimette.

Aıta keteıik, 2021 jyldyń basynan bastap oblys HQO-lary arqyly 6 myńǵa jýyq áskerı bılet qaıta qalpyna keltirildi.

Joǵary qaraı