Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Jaqypbaev veterınarııalyq baqylaý komıtetiniń tóraǵasy bolyp taǵaıyndaldy

2021 jyldyń 6 jeltoqsan 2021 12:45

NUR-SULTAN. QazAqparat - Qazaqstan Respýblıkasy aýyl sharýashylyǵy mınıstriniń buıryǵymen Asqar Shakenuly Jaqypbaev QR AShM Veterınarııalyq baqylaý jáne qadaǵalaý komıtetiniń tóraǵasy qyzmetine taǵaıyndaldy. Bul týraly QR Premer-Mınıstriniń baspasóz qyzmeti habarlaıdy.

Asqar Jaqypbaev 1963 jyly Shyǵys Qazaqstan oblysynda dúnıege kelgen. Semeı zootehnıkalyq-veterınarlyq ınstıtýtyn, Almaty ekonomıka jáne statıstıka akademııasyn bitirgen.

Eńbek jolyn 1980 jyly Myńbulaq sovhozynyń qurylys bóliminde jumysshy bolyp bastaǵan.

1986 jyldan bastap 1996 jylǵa deıin Myńbulaq sovhozynyń veterınar dárigeri, komsomol komıtetiniń hatshysy, Myńbulaq aýyly ákimdiginiń veterınar ınspektory bolyp jumys istedi.

1996-1997 jyldary — Aıagóz aýdanynyń bas mal dárigeriniń epızootııa jónindegi orynbasary. 1997 jyly Semeı oblysy Aýyl sharýashylyǵy departamentiniń bas mamany qyzmetin atqardy.

1997-1999 jyldary — ShQO Veterınarııa komıtetiniń epızootııaǵa qarsy emdeý-profılaktıkalyq bóliminiń jetekshi mamany; meńgerýshisi.

1999 jyly Shyǵys Qazaqstan oblystyq veterınarııalyq zerthanasy veterınarııalyq baqylaý stantsııasy dırektorynyń orynbasary, basshysy; Shyǵys Qazaqstan oblystyq veterınarııalyq qadaǵalaý epızootııaǵa qarsy bóliminiń basshysy; veterınarııalyq qadaǵalaý bólimi basshysynyń mindetin atqarýshy — oblystyń bas memlekettik veterınarııalyq ınspektory boldy.

1999-2002 jyldary — QR AShM Shyǵys Qazaqstan oblystyq aýmaqtyq basqarmasy bastyǵynyń orynbasary.

2002-2006 jyldary — QR AShM Shyǵys Qazaqstan oblystyq aýmaqtyq ınspektsııasy bastyǵynyń orynbasary.

2006-2011 jyldary — QR AShM Agroónerkásiptik keshendegi memlekettik ınspektsııa komıtetiniń Shyǵys Qazaqstan oblystyq aýmaqtyq ınspektsııasy basshysynyń orynbasary; basshysy.

2011 jyly Ákimshilik jumys basqarmasynyń basshysy; QR AShM Agroónerkásiptik keshendegi memlekettik ınspektsııa komıtetiniń tóraǵasy.

2011-2016 jyldary — QR AShM Agroónerkásiptik keshendegi memlekettik ınspektsııa komıtetiniń Shyǵys Qazaqstan oblystyq aýmaqtyq ınspektsııasynyń basshysy.

2016-2017 jyldary — Shyǵys Qazaqstan oblysynyń veterınarııa basqarmasynyń basshysy.

2017-2019 jyldary — Shyǵys Qazaqstan oblysy Aýyl sharýashylyǵy basqarmasynyń basshysy. 2019-2021 jyldary — ShQO boıynsha Ulttyq kásipkerler palatasynyń óńirlik fılıalynyń AÓK damytý bóliminiń basshysy.

2021 jyldyń maýsymynan bastap qazirgi ýaqytqa deıin ShQO boıynsha Ulttyq kásipkerler palatasynyń óńirlik fılıaly dırektorynyń ekonomıkalyq máseleler jónindegi orynbasary bolyp qyzmet etti.


Joǵary qaraı