Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Asqar Mamınniń BAÁ-ge sapary: Birlesken jańa jobalar pýly 6 mlrd dollardan asady

2021 jyldyń 11 qazan 2021 09:34

ABÝ-DABI. QazAqparat - 2021 jylǵy 9-10 qazanda QR Premer-Mınıstri Asqar Mamın Birikken Arab Ámirlikterine jumys saparymen bardy. QazAqparat bul týraly primeminister.kz saıtyna silteme jasap habarlaıdy.


Abý-Dabı qalasynda Úkimet basshysy BAÁ Premer-Mınıstriniń orynbasary, Prezıdent isteri jónindegi mınıstr sheıh Mansur ben Zaıd ál Nahaıanmen, sondaı-aq Abu Dhabi Developmental Holding Company (ADQ) holdıngteri jáne memlekettik damý ınstıtýttary men BAÁ-niń basqa da jetekshi kompanııalarynyń basshylyǵymen kelissóz júrgizdi.





Taraptar saýda-ekonomıkalyq, qarjy-ınvestıtsııalyq, energetıka, kólik-logıstıka, agroónerkásip jáne basqa da salalardaǵy buǵan deıin qol jetkizilgen ýaǵdalastyqtardy iske asyrý barysyn jáne ekijaqty yntymaqtastyq perspektıvasyn talqylady. Qazirgi ýaqytta ámirlik kompanııalary Qazaqstanda jalpy quny 3,5 mlrd dollardan asatyn 11 iri ınvestıtsııalyq jobany iske asyrýǵa qatysýda.

Ótkizilgen kelissózder qorytyndysy boıynsha ekonomıkanyń basym salalarynda jobalardy damytý boıynsha uzaq merzimdi strategııalyq áriptestik ornatý jónindegi úkimetaralyq kelisimge qol qoıyldy. Qujat QR ulttyq ekonomıkasynyń energetıkalyq, agroónerkásiptik, kólik-logıstıkalyq, farmatsevtıkalyq jáne qarjy sektorlaryndaǵy jobalardy iske asyrýǵa baǵyttalǵan, ınvestıtsııalardyń jalpy kólemi 6 mlrd dollardan asady.





Kelisimdi iske asyrýdaǵy Qazaqstannyń negizgi áriptesi óńdeý jáne óndirý ónerkásibi, AÓK, kólik jáne logıstıka, qarjy, týrızm, medıa jáne energetıka sııaqty sektorlarda keńinen usynylǵan Abý-Dabı ADQ egemen qory bolady. Qordyń basqarýynda 175 mlrd dollardan astam kólemdegi aktıvter bar.

Kelisim aıasynda «Samuryq-Qazyna» AQ ADQ-men strategııalyq yntymaqtastyq ornatyp, jańartylatyn jáne dástúrli energetıkany damytý jónindegi birlesken energetıka holdıngin qurýǵa nıetti. QR-da qýaty 5 GVt bolatyn kún, jel jáne sý elektr stantsııalaryn salý boıynsha birlesken jobalardy jáne t.b. iske asyrý josparlanýda.

«Kazyna Capital Management» AQ jáne ADQ ІT, qarjy tehnologııalary, agroteh, V2V jáne V2S, telekommýnıkatsııalar, azyq-túlik ónimderin óndirý tehnologııalary, platformalyq sheshimder jáne tsıfrlyq transformatsııa jáne ózge de salalarda birlesken startap-jobalardy qarjylandyrý úshin 100 mln dollarǵa birlesken venchýrlyq qor qurady.

ADQ QR-da kóterme-taratý ortalyqtary jelisiniń qurylysyna qatysady. Kompanııa sondaı-aq Qazaqstannyń etti mal sharýashylyǵy, qus sharýashylyǵy jáne jemis baǵbanshylyǵynda birqatar iri jobany iske asyrý múmkindigin qarastyrýda.

«SQ-Farmatsııa» JShS men Rafed QR farmatsevtıka ónerkásibin damytýda yntymaqtastyq ornatady.

Sapar aıasynda Shyǵys Qazaqstan oblysynyń ákimdigi, Sembol jáne Abu Dhabi Fund for Development kompanııalary QR ShQO-da «Katonqaraǵaı» týrıstik kesheni qurylysynyń jobasyn júzege asyrý boıynsha yntymaqtastyqtyń bazalyq sharttary týraly kelisimge qol qoıdy.

QR Aýyl sharýashylyǵy mınıstrligi men BAÁ Klımattyń ózgerýi jáne qorshaǵan orta mınıstrligi arasynda, sondaı-aq AHQO men Abu Dhabi Global Market (ADGM) qarjy ortalyǵy men Abu Dhabi Securities Exchange (ADX) bırjasy arasynda ózara túsinistik týraly memorandýmdarǵa qol qoıyldy.

Sonymen qatar, sapar aıasynda Qazaqstan men BAÁ poshta qyzmetteri «Estelik jáne mereıtoılyq datalar» serııasymen «Qazaqstan Respýblıkasynyń Táýelsizdigine 30 jyl. Birikken Arab Ámirlikteriniń qurylǵanyna 50 jyl» taqyrybyndaǵy eki poshta markasyn birlesip shyǵarýdy júzege asyrdy.





Dýbaı qalasynda Úkimet basshysy «EXPO 2020 Dubai» halyqaralyq kórmesine baryp, onda Qazaqstan, BAÁ, RF jáne taǵy basqa ulttyq pavılondarmen tanysty.





Jumys saparyna ulttyq ekonomıka mınıstri Áset Erǵalıev, Aýyl sharýashylyǵy mınıstri Erbol Qarashókeev, Ádilet mınıstri Marat Beketaev, Shyǵys Qazaqstan oblysynyń ákimi Danıal Ahmetov, «Samuryq-Qazyna» AQ basqarma tóraǵasy Almasadam Sátqalıev, Strategııalyq josparlaý jáne reformalar agenttigi tóraǵasynyń orynbasary Jaslan Mádıev, Energetıka birinshi vıtse-mınıstri Murat Júrebekov, BAÁ-degi QR elshisi Madııar Meńilbekov, QR iskerlik toptarynyń ókilderi jáne ózgeler qatysty.


Joǵary qaraı