Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamınniń Aqmolaǵa jumys sapary: ınfraqurylym, AÓK, ónerkásip jáne týrızm

2020 jyldyń 30 qazan 2020 17:25

KÓKShETAÝ. QazAqparat - QR Premer-Mınıstri Asqar Mamın Aqmola oblysyna jumys sapary aıasynda óńirdiń áleýmettik-ekonomıkalyq damýymen tanysty, dep habarlaıdy Premer-Mınıstrdiń baspasóz qyzmeti.

Stepnogor qalasynda Úkimet basshysy agroónerkásiptik sektor, hımııa ónerkásibi jáne taý-ken metallýrgııa kesheni kásiporyndaryna – «Qazaqstannyń jylyjaı tehnologııalary», «Stepnogor» EMK» moıyntirek zaýytyna, pestıtsıdterdi shyǵaratyn «Astana-Nan Chemicals» zaýytyna, «Stepnogor taý-ken hımııa kombınatyna», «Qazaqaltyn Technology» jáne «Aqsý Technology» kásiporyndaryna bardy.





Kókshetaý qalasynda Premer-Mınıstr 200 tósek ornyna arnalǵan modýldi juqpaly aýrýlar aýrýhanasyn, óńirge jetkizilgen elimizde qurastyrylǵan jyljymaly medıtsınalyq keshenderdi, jedel járdem mashınalaryn qarap shyqty.

Úkimet basshysyna óńirdegi sanıtarlyq-epıdemıologııalyq jaǵdaı jáne koronavırýs ınfektsııasynyń jańa tolqynyna daıyndyq sharalary týraly baıandaldy.

A. Mamın qalanyń áleýmettik, turǵyn úı jáne kólik ınfraqurylymy obektileriniń salyný barysymen, iske asyrylyp jatqan jáne perspektıvaly ınvestıtsııalyq jobalarmen, sondaı-aq osy jylǵy qarasha aıynda ótetin QR men RF aımaqaralyq yntymaqtastyq forýmyna daıyndyq jumystarymen tanysty.





Kókshetaý qalasy ekonomıkasynyń qala quraýshy salalary — mashına jasaý, qurylys ındýstrııasy, azyq-túlik jáne jeńil ónerkásip, kólik-logıstıka qyzmetteri. 2020 jyldyń 10 aıynda qalada ónerkásiptik óndiris kólemi 41,4%-ǵa – 108,1 mlrd teńgege deıin, ınvestıtsııa kólemi 1,7 ese – 49,8 mlrd teńgege deıin, qurylys jumystary 1,9 ese – 25,9 mlrd teńgege deıin ósti.

Býrabaı aýdanynyń ýchınsk qalasynda Premer-Mınıstr «IQanat High School of Burabay» mektebine baryp, Býrabaı k. týrıstik ınfraqurylymyn damytý máseleleri jóninde keńes ótkizdi.





Úkimet basshysy ýchınsk – Býrabaı kýrorttyq aımaǵyn damytýdyń 2012-2020 jyldarǵa arnalǵan jospary aıasynda kózdelgen barlyq is-sharalardy aıaqtaý, sonymen qatar Týrızm salasyn damytýdyń memlekettik baǵdarlamasyn iske asyrý jónindegi jumysty jandandyrý qajettigin atap ótti.




2020 jyldyń 9 aıynda Aqmola oblysynda aýyl sharýashylyǵynyń jalpy ónim kólemi 18,1%-ǵa – 509,7 mlrd teńgege deıin, ónerkásiptik óndiris 6,8%-ǵa – 732 mlrd teńgege deıin, negizgi kapıtalǵa salynǵan ınvestıtsııalar 23%-ǵa – 297,6 mlrd teńgege deıin artty.


Joǵary qaraı