Aýa raıy
Astana -12 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın Túrkııanyń qorǵanys mınıstri Hýlýsı Akardy qabyldady

2020 jyldyń 26 qazan 2020 17:30

NUR-SULTAN. QazAqparat - QR Premer-Mınıstri Asqar Mamın Túrkııa Respýblıkasynyń Qorǵanys mınıstri Hýlýsı Akardy qabyldady, dep habarlaıdy QazAqparat primeminister.kz silteme jasap.

Úkimet basshysy Qazaqstan men Túrkııa arasyndaǵy yntymaqtastyqtyń joǵary deńgeıin atap ótti.

«Ekijaqty ózara is-qımyldy keńeıtýde bizdiń memleketterimizdiń basshylary arasynda qalyptasqan dostyq qarym-qatynas úlken ról atqarady. Ekijaqty formatta qarqyndy júrgizilip jatqan syndarly dıalogpen qatar BUU, IYU, EQYU jáne AYSShK sheńberindegi praktıkalyq ózara is-qımyl tabysty damýda», - dedi A. Mamın.

Túrkııa Qazaqstannyń negizgi saýda seriktesteriniń top 10 eliniń qataryna kiredi. Qazaqstan men Túrkııa arasyndaǵy taýar aınalymy 2019 jyldyń qorytyndysy boıynsha $3 mlrd-tan asty. Aǵymdaǵy jyldyń 8 aıynda ekijaqty saýda ótken jyldyń sáıkes kezeńimen salystyrǵanda 1,4%-ǵa ósip, $2,1 mlrd qurady, QR Táýelsizdik jyldarynda Túrkııadan Qazaqstanǵa tikeleı ınvestıtsııa aǵyny $3,7 mlrd-tan asty.

Taraptar eki eldiń áskerı bilim berý jáne qorǵanys-ónerkásip kesheni salalaryndaǵy yntymaqtastyǵynyń jaı-kúıi men perspektıvalaryn, onyń ishinde túrik kompanııalarynyń QÓK salasynda birqatar ınvestıtsııalyq jobalardy iske asyrýyn talqylady.

Kezdesýge QR Qorǵanys mınıstri N. Ermekbaev pen QR Indýstrııa jáne ınfraqurylymdyq damý mınıstri B. Atamqulov qatysty.

Joǵary qaraı