Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın: Qazirgi mindet – 60 paıyz ujymdyq ımmýnıtet qalyptastyrý

2021 jyldyń 19 qazan 2021 10:06

NUR-SULTAN. QazAqparat – QR Premer-Mınıstri Asqar Mamın eldegi epıdahýaldy turaqtandyrý boıynsha Úkimet aldynda turǵan basty mindetti atady, dep habarlaıdy QazAqparat tilshisi.

«Jalpy epıdemıologııalyq jaǵdaı birqalypty. Óńirlerdiń bárinde de vırýs juqtyrý deńgeıi birshama tómendedi, aýyr naýqastar men statsıonarda, ambýlatorııada emdelip júrgender sany azaıdy.

Degenmen, 6 óńir áli de «qyzyl aımaqta». Bul – Almaty jáne Nur-Sultan qalalary men Aqmola, Qostanaı, Pavlodar jáne Soltústik Qazaqstan oblystary. Qazir bizdiń aldymyzdaǵy mindet – 60% ujymdyq ımmýnıtetke qol jetkizý», - dedi ol Úkimet otyrysynda.

Úkimet basshysy vırýsqa qarsy ekpeniń birinshi komponentin 8 mıllıonnan astam adamnyń, ekinshi komponentin 7,2 mıllıonǵa jýyq adam alǵanyn eske saldy.

«Sonymen qatar, qazirgi ýaqytta tumaýǵa qarsy egý naýqany júrýde. 1,4 mln adam tumaýǵa qarsy ekpe aldy. Jalpy, ekpe naýqany boıynsha jumysty jalǵastyrý qajet», - dep túıindedi Asqar Mamın.


Joǵary qaraı