Asqar Mamın karantın sharalaryn alyp tastaý josparyn memlekettik komıssııa qaraýyna engizýdi tapsyrdy

NUR-SULTAN. QazAqparat - QR Premer-Mınıstri Asqar Mamın elimizdiń Densaýlyq saqtaý mınıstrligine karantın sharalaryn kezeń-kezeńimen alyp tastaý josparyn memlekettik komıssııa qaraýyna beısenbi kúni engizýdi tapyrdy, dep habarlaıdy QazAqparat tilshisi.

«Jalpy qabyldanǵan keshendi sharalardyń nátıjesinde elimizdegi koronavırýstyń taralýy deńgeıi jáne osyǵan baılanysty barlyq kórsetkishter qarqyndy tómendeýi tirkelip otyr. Sonyń ishinde vırýstyq reprodýktıvtilik deńgeıiniń ortasha kórsetkishi 0,82 paıyzǵa deıin tómendedi. Emdelip shyqqandardyń úlesi 73,6 paıyzdy qurap otyr. Qalǵandary qajetti em alyp jatyr», - dedi Asqar Mamın Úkimet otyrysynda.

Premer-Mınıstrdiń atap ótýinshe, aýrýhanalardyń júktemesi 61 jáne jedel járdem shaqyrý 62 paıyzǵa tómendegen.

«Osy nátıjeler qabyldanyp jatqan sharalardyń tıimdiligin kórsetedi. Qalyptastyp otyrǵan epıdemıologııalyq jaǵdaıdy eskere otyryp Densaýlyq saqtaý mınıstrligine karantın sharalaryn kezeń-kezeńimen alyp tastaý josparyn memlekettik komıssııa qaraýyna beısenbi kúni engizýdi tapsyramyn», - dedi Úkimet basshysy.