Aýa raıy
Astana 31 °S
Almaty 33 °S
valıýta baǵamy
USD 412.55
EUR 468.66
RUB 5.79
CNY 58.80

Asqar Mamın «Tsıfrlyq bilim» jobasyn aýqymdy túrde iske asyrýdy tapsyrdy

2020 jyldyń 30 maýsym 2020 10:50

NUR-SULTAN. QazAqparat – Úkimet basshysy Asqar Mamın Bilim jáne ǵylym mınıstrligi men Tsıfrlyq damý, ınnovatsııalar jáne aeroǵarysh ónerkásibi mınıstrligine jańa «Tsıfrlyq bilim» jobasyn aýqymdy túrde iske asyrýdy tapsyrdy, dep habarlaıdy QazAqparat tilshisi.

«Tsıfrlyq biliktilikke jyldan jylǵa qajettilik artyp keledi. Tehnologııalyq jańǵyrtý, tsıfrlyq alańdardyń múmkindikteri, jasandy ıntellekt, óndiristi avtomattandyrý - kadrlardy daıarlaýdy ózgertý men adamı kapıtaldy damytýdy talap etedi. Qazaqstannyń oqý oryndarynda jyl saıyn 50 myńnan astam ІT mamany oqytylady. ІT mamandyqtar boıynsha memlekettik tapsyrystar kólemi jyl saıyn kóbeıýýde. Tsıfrlyqy daǵdylardy oqytý jáne ІT mamandardy daıarlaý boıynsha «Tsıfrlyq bilim» jańa baǵdarlamasyn ázirleý qajet», - dedi Asqar Mamın Úkimet otyrysynda.

Onyń aıtýynsha, tsıfrlyq ekonomıka birtindep eńbek salasyn ózgertedi.

«ІT mamandardy daıarlap qana qoımaı, jumys istep júrgen adamdardyń daǵdylaryn tsıfrlandyrýǵa beıimdeý jáne olardyń tsıfrlyq saýatyn arttyrý da mańyzdy. Qazaqstandyqtardyń barlyǵy tsıfrlyq alańdarda jumys istep, elektrondy qyzmetterdi ala bilýi kerek», - dedi Premer-mınıstr.

Osyǵan oraı Úkimet basshysy birqatar tapsyrma berdi.

«Birinshiden, Bilim jáne ǵylym mınıstrligi, Tsıfrlyq damý mınıstrligi ákimdiktermen birlesip, «Tsıfrlyq bilim» jańa jobasynyń aýqymdy túrde iske asyrylýyn qamtamasyz etsin. Tsıfrlyq daǵdylardy oqytý, ІT kadrlardy daıarlaý jáne qaıta daıarlaý boıynsha baǵdarlamalar ázirleý qajet. Ozyq oqý oryndarynyń ІT maman daıarlaý tájirıbesin óńirlik ýnıversıtetter men kolledjderge taratý kerek», - dedi ol.

Aıta ketsek Úkimet otyrysynda «Tsıfrlyq bilim» jobasyn Bilim jáne ǵylym mınıstri Ashat Aımaǵambetov tanystyrǵan bolatyn.

Joǵary qaraı