Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın Aqtaýdyń týrıstik aımaǵyn damytý jobalarynyń iske asyrylýyn tekserdi

2021 jyldyń 21 shilde 2021 15:53

AQTAÝ. QazAqparat – Mańǵystaý óńirine jumys sapary barysynda Asqar Mamın oblys ákimi S. Trumovtyń óńirde mal sharýashylyǵy salasynda qalyptasqan jaǵdaı jáne qurǵaqshylyqtan zardap shekken aýdandardy jem-shóppen qamtamasyz etý boıynsha júrgizilip jatqan jumystar týraly baıandamasyn tyńdady. Bul týraly QazAqparat primeminister.kz saıtyna silteme jasap habarlaıdy.

Aqtóbe, Batys Qazaqstan jáne Qostanaı sekildi kórshiles oblystardan shóp jetkizý jáne ótkizý jolǵa qoıylǵan. 1200 tonnadan astam arpa ákelindi, olar fermerlerge naryqtyq baǵadan tómen baǵamen satyldy. QR Úkimeti Mańǵystaý oblysynda maldyń analyq basyna arnalǵan azyqqa jumsalǵan shyǵyndardy ishinara óteýge 1,9 mlrd teńge bóldi. Premer-Mınıstrdiń tapsyrmasy boıynsha fermerlik sharýashylyqtarǵa qoljetimdi baǵamen kólemi 114,7 myń tonna daıyndalǵan shópti satyp alý jáne jetkizý úshin turaqtandyrý qoryn qalyptastyrýǵa, sondaı-aq «Azyq-túlik kelisimshart korporatsııasy» UK» AQ arqyly 56,3 myń tonna jem-shóp (kebek) satyp alýǵa qosymsha qajetti qarajat bólinedi.





Premer-Mınıstrdiń tapsyrmasy boıynsha fermerlik sharýashylyqtarǵa qoljetimdi baǵamen kólemi 114,7 myń tonna daıyndalǵan shópti satyp alý jáne jetkizý úshin turaqtandyrý qoryn qalyptastyrýǵa, sondaı-aq «Azyq-túlik kelisimshart korporatsııasy» UK» AQ arqyly 56,3 myń tonna jem-shóp (kebek) satyp alýǵa qosymsha qajetti qarajat bólinedi.
QR Premer-Mınıstri Asqar Mamın Qazaqstandaǵy alǵashqy TETYSBLU taqyryptyq parkiniń ashylý rásimine qatysty. Obekt Aqtaý qalasynyń týrıstik aımaǵynda ornalasqan, onda Ortalyq Azııada teńdesi joq attraktsıondar – BluPower, Watermania, Snorri, sondaı-aq 30-dan astam biregeı attraktsıondar bar. Úkimet basshysy Aqtaý qalasynyń týrıstik aımaǵyn damytý jobalarynyń iske asyrylýyn tekserdi, atap aıtsaq, golf klýby, saýda qatarlary, vıllalary men apartamentteri bar Hilton jáne Fairmont brendteriniń qonaq úıleri, Aqualina Resort.





Qyrkúıek aıynda golf klýbynyń, saýda qatarlarynyń, vıllalar men «Fairmont» qonaq úıiniń qurylysy aıaqtalady dep josparlanǵan. A. Mamın aıaqtalýy osy jyldyń qazan aıyna josparlanǵan, týrıstik aımaqtyń tynys-tirshiligin qamtamasyz etýge arnalǵan uzyndyǵy 49 km qosymsha sý taratqyshtyń jáne uzyndyǵy 33 km KTQ-1-den KTQ-2-ge deıingi qysymdy kanalızatsııalyq kollektordyń qurylys barysymen tanysty. Premer-Mınıstr josparlanǵan nysandardyń, sondaı-aq kólik jáne ınjenerlik-kommýnıkatsııalyq ınfraqurylymnyń qurylysyn ýaqytyly aıaqtaýdy qamtamasyz etýdi tapsyrdy.





Premer-Mınıstrge óńirdegi balyq sharýashylyǵyn damytý, onyń ishinde bekire tuqymdas balyq túrlerin ósirý zaýyty qurylysynyń perspektıvalyq jobalary, Kaspıı teńizinde balyq aýlaýdy uıymdastyrý týraly baıandaldy. Sonymen qatar A. Mamın balyq jemin óndirý jáne otyrǵyzý materıalyn óndirýge arnalǵan ınkýbatsııalyq tsehty qurýdy qosa alǵanda, jylyna 30 myń tonnaǵa deıin balyq ósirý jáne qaıta óńdeý boıynsha zamanaýı tehnologııalardy engize otyryp, «Іnjý Marjan» shyǵanaǵynda balyq ósirý keshenin qurý jobasymen tanysty. «Aqtaý teńiz porty» AEA-da Úkimet basshysyna jumsaq qaptama ydys, polımerlik qaptama, sorǵy shtangalary men mýftalar, kaýstıkalyq soda jáne quramynda hlory bar ónimder jáne t. b. óndirý jónindegi ınvestıtsııalyq jobalar tanystyryldy. Premer-Mınıstrdiń «Quryq» parom keshenin jáne «Aqtaý» teńiz portyn aralaýy kezinde Qazaqstannyń tranzıttik-kólik áleýetin damytý máseleleri qaraldy. Júkterdi aýystyryp tıeý qýaty jylyna 6 mln tonnany quraıdy.




Úkimet basshysy uzyndyǵy 24 shaqyrym bolatyn Aqtaý-Áýejaı birinshi sanattaǵy avtomobıl jolynyń salyný barysyn, sondaı-aq uzyndyǵy 4,5 shaqyrym bolatyn «Honda» ortalyǵynan Ómirzaq aýylynyń T-tárizdi qıylysyna deıingi qalalyq avtomobıl jolyn rekonstrýktsııalaý barysyn tekserdi. Atalǵan ýchaskelerdegi barlyq jumys túrlerin tolyq aıaqtaý bıylǵy jyldyń birinshi qyrkúıegine josparlanǵan. A. Mamın «Transtelekom» AQ Derekterdi óńdeý ortalyǵynyń jumysymen tanysty. Joba quny – 6,8 mlrd teńge. Ortalyq Tier III deńgeıiniń qaýipsizdik jáne senimdilik standarttaryna sáıkes keledi. Osyndaı ortalyqtar Qazaqstannyń 9 qalasynda: Aqtaý, Atyraý, Aqtóbe, Oral, Qaraǵandy, Jezqazǵan, Qyzylorda, Nur-Sultan jáne Almaty qalalarynda salynǵan. Derekterdi óńdeý ortalyqtary klıenttik serverlerdiń úzdiksiz qyzmetin qamtamasyz etýge, elde tsıfrlandyrý úshin tehnologııalyq negiz bolýǵa arnalǵan.
Joǵary qaraı