Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın: 2030 jylǵa qaraı Qazaqstanda «jasyl energııa» úlesi 15%-ǵa jetedi

2021 jyldyń 11 maýsym 2021 19:21

NUR-SULTAN. QazAqparat - QR Premer-Mınıstri Asqar Mamın Qazaqstannyń Eýropalyq Odaqpen ınvestıtsııalyq yntymaqtastyǵy jónindegi dıalogtyń 7-otyrysyn ótkizdi, dep habarlady QazAqparat Úkimettiń baspasóz qyzmetine silteme jasap.

Jańartylatyn energııa kózderin damytý, QR-nyń tómen kómirtekti ekonomıkaǵa kóshýi, sondaı-aq dekarbonızatsııa protsesindegi yntymaqtastyq áleýeti máseleleri qaraldy. Jańartylatyn energetıkany damytý perspektıvalary týraly Eýropalyq Odaqtyń Ortalyq Azııa boıynsha arnaıy ókili Peter Býrıan, Qazaqstanda akkredıttelgen Nıderland elshisi Andre Karstens, Germanııa elshisi Tılo Iohannes Klınner, Ortalyq Azııadaǵy Germanııa ekonomıkasy ókildiginiń basshysy Hovsep Voskanıan, Ortalyq Azııa aımaǵyndaǵy «Eni» kompanııasynyń basshysy Lýchano Vaskes, «Total Eren» bas dırektory Terrı Plezant baıandama jasady.

Qabyldanyp jatqan sharalar týraly ekologııa, geologııa jáne tabıǵı resýrstar mınıstri Maǵzum Myrzaǵalıev, energetıka mınıstri Nurlan Noǵaev, qarjy mınıstri Erulan Jamaýbaev, sondaı-aq «Samuryq-Qazyna» AQ basqarma tóraǵasy Almasadam Sátqalıev baıandady.

Qazaqstan ekonomıkasyn transformatsııalaý jáne energııa tıimdiligin arttyrý, QR-nyń 2050 jylǵa deıingi tómen kómirtekti damý tujyrymdamasyn ázirleý jáne t. b. máseleler talqylandy.

«2020 jylǵy jeltoqsanda BUU aıasynda uıymdastyrylǵan Klımattyq ambıtsııalar jónindegi sammıtte QR Prezıdenti Qasym-Jomart Toqaev Qazaqstannyń 2060 jylǵa qaraı kómirtekti beıtaraptyqqa qol jetkizý maqsaty týraly jarııalady. Biz energııa óndirisiniń jalpy kóleminde jańartylatyn energııa kózderiniń úlesin arttyrý boıynsha barynsha kúsh-jiger jumsaımyz. Máselen, 2020 jylǵy jaǵdaı boıynsha bul kórsetkish 3%-dy qurady, 2022 jyly ony 6%-ǵa deıin eki esege arttyrý josparlanýda. 2030 jylǵa qaraı Qazaqstannyń energetıkasyndaǵy jasyl energııanyń úlesi 15%-ǵa deıin jetkiziledi», — dedi A. Mamın.

Úkimet basshysy ázirlenip jatqan «Jasyl Qazaqstan» ulttyq jobasy aıasynda qoljetimdi jáne taza energııany, turaqty qalalar men qoǵamdastyqtardy, jaýapty tutyný men óndiristi qosa alǵanda, BUU-nyń Turaqty damý maqsattaryna qol jetkizý jónindegi sharalardy iske asyrý josparlanyp otyrǵanyn jetkizdi.

Qazaqstanda turaqty damý mindetterin iske asyrý maqsatynda jańa Ekologııalyq kodeks qabyldandy, ol EYDU elderiniń qaǵıdattary men standarttaryna sáıkes keledi jáne bıylǵy 1 shildede kúshine enedi. Elimizde «jasyl ekonomıkany», onyń ishinde jańartylatyn energetıkany damytýǵa, sýdy tıimdi paıdalanýǵa jáne basqa da tabıǵı resýrstardy utymdy paıdalanýǵa salynatyn memlekettik jáne jeke ınvestıtsııalar arttyrylýda.

Premer-Mınıstr Eýropalyq Odaq elshilerin Qazaqstannyń EO-men saýda-ekonomıkalyq jáne ınvestıtsııalyq yntymaqtastyǵyn damytýǵa járdemdesý boıynsha odan ári ashyq jáne belsendi dıalogqa shaqyrdy.


Joǵary qaraı