Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

AsiaCredit Bank salymshylaryna 7 mlrd teńge tólendi

2021 jyldyń 25 aqpan 2021 10:40

ALMATY. QazAqparat - Qazaqstannyń depozıtterge kepildik berý qory agent bank retinde «AsiaCredit Bank» AQ salymshylaryna agent bank retinde tańdap alynǵan «Evrazııskıı bank» AQ arqyly kepildik berilgen ótem tóleý 2021 jyldyń 24 aqpanynda bastaldy, dep habarlaıdy QazAqparat tilshisi.

2021 jyldyń 25 aqpanyndaǵy jaǵdaı boıynsha Qazaqstannyń depozıtterge kepildik berý qory azamattarǵa agent bank arqyly shamamen 7,06 mlrd teńge tóledi. Bul Qordyń bank salymshylarynyń aldyndaǵy mindettemeleriniń jalpy kóleminiń 37 paıyzyn quraıdy.

Eske salamyz, kepildik berilgen ótemdi alý úshin «AsiaCredit Bank» AQ salymshylary agent banktiń kez kelgen fılıaly nemese bólimshesine baryp, nemese www.eubank.kz saıty arqyly tólem alýǵa ótinish toltyrýlary tıis.

Ótemdi alý úshin salymshy jeke basyn kýálandyratyn qujatyn kórsetýi qajet. Eger salymshynyń ornyna basqa tulǵa ótinish beretin bolsa (senimhat boıynsha ókil, murager, basqa da quqyq ıelenýshi), onda agent bankke: senimhat, notarıýs kýálandyrǵan muragerlik quqyǵy týraly kýálik nemese basqa da quqyq belgileýshi qujattar usynylady.

QDKBQ Eýrazııalyq banktiń bólimshelerine barýdan aldyn, onyń saıty (https://eubank.kz/asiacreditbank/?lang=kz) arqyly: tólem somalaryn tekserý, bólimshelerdiń jumysbastylyǵy jáne jumys kestesi týraly aldyn ala bilip alýǵa keńes beredi.

Depozıtter boıynsha kepildikter jáne kepildik berilgen ótemdi tóleý týraly jalpy aqparattar Qordyń www.kdif.kz saıtynda qoljetimdi.Salymshylar aqyl-keńes alý úshin 1460 telefon nómiri, sondaı-aq QDKBQ saıtyndaǵy chat, @kdif_ask Telegram-chaty, Qordyń Facebook jáne Instagram áleýmettik jelilerindegi deposit.kz resmı paraqshalary, sondaı-aq info@kdif.kz elektrondyq poshtasy arqyly habarlasa alady.

Alma Mýkanova (25.02.2021 10:36):

Eske salaıyq, Qazaqstan Respýblıkasynyń Qarjy naryǵyn retteý jáne damytý agenttigi basqarmasynyń 2021 jylǵy 11 aqpandaǵy № 22 qaýlysyna sáıkes «AsiaCredit Bank» AQ baǵaly qaǵazdar naryǵynda qyzmetti júrgizý aǵazdar naryǵynda qyzmetti júrgizý lıtsenzııasynan aıyrylǵan bolatyn.



Avtor Alma Muqanova
Basty sózder: Almaty, Bankter,
Joǵary qaraı