Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ashyq memleketti qalyptastyrýdyń alǵyshartyna kýá bolyp otyrmyz – atyraýlyq depýtat

2022 jyldyń 15 mamyr 2022 04:38

ATYRAÝ. QazAqparat – Atyraý oblysynyń qoǵamdyq uıymdary men jurtshylyǵy el Konstıtýtsııasyna ózgerister men tolyqtyrýlar engizilýine baılanysty ótetin referendýmnyń mańyzyna qyzyǵýshylyq tanytyp otyr, dep habarlaıdy QazAqparat tilshisi.

«Biz ashyq memleketti qalyptastyrýdyń alǵyshartyna kýá bolyp otyrmyz. Memleket pen qoǵam arasynda jańa qatynastar ornaı bastady. Áleýmettik jelidegi pikirlerden otandastarymyzdy tolǵandyratyn máselelerdi kórip otyrmyz. Onyń ishinde Konstıtýtsııaǵa engizilgeli otyrǵan ózgerister de bar. Sol sebepten, alda ótetin referendýmǵa qazaqstandyqtardyń qyzyǵýshylyǵy artady», - deıdi oblystyq máslıhattyń depýtaty Serik Qadyrov.

S. Ótebaev atyndaǵy Atyraý munaı jáne gaz ýnıversıtetiniń dotsenti Bolat Nyǵmetovtyń aıtýynsha, Konstıtýtsııaǵa ózgerister engizilgennen keıin Qazaqstannyń ekonomıkalyq-saıası damýynda jańa betburys bastalady.

«Jańa memlekettik modelge, memleket pen qoǵam arasyndaǵy ózara is-qımyldyń jańa satysyna qadam basqaly otyrmyz. Óıtkeni, Ata Zańnyń 30-dan astam baby ózgeredi. Bul – jańa betburystyń bastaýy», - deıdi Bolat Nyǵmetov.

Referendýmnyń mańyzy Qazaqstan halqy Assambleıasynyń oblystyq fılıalynda da talqylandy. Fılıal tóraǵasy Nurjan Ermuhanovtyń pikirinshe, Memleket basshysy saıası reformalardyń birneshe paketin jarııalady.





«Sońǵy ret referendým 1995 jyly, ıaǵnı 27 jyl buryn ótti. Biraq, ýaqyt bir orynda turmaıdy. Kún saıyn jańaryp jatqan qoǵam jańa sheshimder men ózgeristerdi qajet etedi. Biz referendýmnan keıingi ózgeristi qazaqstandyqtardyń barshasy kútetinin kórip otyrmyz. Óıtkeni, bul halyqtyń saıası oqıǵaǵa degen qyzyǵýshylyǵynyń joǵary bolýynan baıqalady. Sondyqtan, referendýmnyń mańyzdy ekenin uǵynýǵa tıispiz», -deıdi Nurjan Ermuhanov.

Eske sala ketelik, budan buryn Atyraý óńirlik shtbabynyń jetekshisi Konstıtýtsııaǵa engiziletin ózgeris saıası reformalardy jedeldetetini týraly aıtqanyn jazǵan edik.


Joǵary qaraı