Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

AShM: Qaraǵandy oblysynyń Shet aýdanyndaǵy sıyrlardan aýsyl tabyldy

2022 jyldyń 17 qańtar 2022 08:48

QARAǴANDY. QazAqparat - Qaraǵandy oblysynyń Shet aýdanynyń Kıikti aýylynda sıyr arasynda aýsyl aýrýynyń qozdyrǵyshy anyqtaldy, dep habarlaıdy QazAqparat AShM baspasóz qyzmetine silteme jasap.

Vedomstvonyń málimdeýinshe, Veterınarııa boıynsha ulttyq referenttik ortalyǵynyń 14 qańtardaǵy №1-S22R-38/B-01-02 synaq hattamasyna sáıkes, Qaraǵandy oblysy Shet aýdanynyń Kıikti aýyldyq okrýginiń Taldybulaq qystaǵyndaǵy «Murat» FSh-da iri qara mal arasynda aýsyl aýrýynyń qozdyrǵyshy anyqtalǵan.

«Kıikti aýyldyq okrýginiń ákimi Mereı Smaǵulovtyń sheshimimen 14 qańtarda fermerlik sharýashylyq aýmaǵynda karantın jarııalandy. QR Bas memlekettik veterınarııalyq-sanıtarııalyq ınspektory Asqar Jaqypbaevtyń sheshimi boıynsha dezınfektsııalaý jumystaryn júrgizý úshin respýblıkalyq qordan «Glıýzamın VET» quraly bólindi. QR Bas memlekettik veterınarııalyq-sanıtarııalyq ınspektorynyń qaýlysy negizinde ınfektsııa oshaǵynda mal qan shyǵarylmaı joıylyp, keıin aýrý jáne olarmen janasatyn janýarlardy órteý júrgiziletin bolady», delingen habarlamada.

Janýarlardyń óleksesin órteý arnaıy jabdyqtalǵan ınsınerator (HURIKAN-3000) kóliginde júrgiziledi. Sondaı-aq mal ıesine ótemaqy tóleý Qazaqstan Respýblıkasynyń zańnamasynda belgilengen tártippen júzege asyrylady.

Respýblıkalyq jáne jergilikti veterınarlyq mekemelerden kúshterdi tarta otyryp, ınfektsııa oshaǵyn tolyq joıý júrgizilip jatyr.

«Veterınarııalyq-karantındik is-sharalarǵa sáıkes ınfektsııa oshaǵyn joıý jónindegi shtab qurylyp, veterınarııalyq-karantındik is-sharalardyń keshendi jospary ázirlendi, dezınfektsııalyq tosqaýyl qoıyldy, jergilikti polıtsııany tarta otyryp, Respýblıkalyq epızootııaǵa qarsy otrıad mamandarymen táýlik boıy kezekshilik uıymdastyryldy. Sondaı-aq dızınfektsııa júrgizilip, BAQ-ta jáne áleýmettik jelide aýsyldyń taralýyn boldyrmaý jáne aldyn alý boıynsha eskertý jarııalanyp, jadynamalar taratyldy.

Aýrýdy oqshaýlaý úshin 6 arnaıy tehnıka men 25 qyzmetker jumyldyryldy. «Sondaı-aq, karantın sońǵy aýrý janýar joıylǵan kúnnen 21 kún ótken soń jáne veterınarııalyq-karantındik is-sharalar ótkizilgennen keıin qorytyndy dezınfektsııa sapasynyń nátıjelerine sáıkes alynyp tastalatynyn habarlaımyz.

Aýrý oshaǵyndaǵy epızootııalyq jaǵdaı qatań baqylaýda», delingen habarlamada.

Eske sala keteıik, aýsyl - úı jáne jabaıy janýarlardyń vırýstyq aýrýy, jiti ınfektsııa baıqalady, bezgek jáne aýyzdyń shyryshty qabyǵynda, jelinde jáne aıaqta kúldireý paıda bolady. Adamdar aýsylmen aýyrýy múmkin, biraq ınfektsııa adamnan adamǵa juqpaıdy.


Basty sózder: QR AShM,
Joǵary qaraı