Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Sadyrbaı qazaq tiline nemquraıdy qaraıtyn memorgandar týraly aıtty

2020 jyldyń 22 qazan 2020 16:28

NUR-SULTAN. QazAqparat – Keıbir memlekettik organdar ınternet saıttarynyń qazaqsha nusqalaryna basymdyq bermeıdi. Bul týraly Ulttyq qoǵamdyq senim keńesiniń tórtinshi otyrysynda keńes múshesi Ashat Sadyrbaı málim etti, dep habarlaıdy QazAqparat tilshisi.

«Keıbir memlekettik organdar men kvazımemlekettik kompanııalar ınternet saıttarynyń qazaqsha nusqalaryna basymdyq bermeıtinin, tipti, áleýmettik jelilerdegi áleýmettik jelilerdegi paraqshalarynda da qazaqsha jazýǵa kelgende qulyqty emes ekenin kóp baıqap júrmiz. Keıbir memlekettik organdardyń domendik ataýy memlekettik tilde jazylmaǵan. Odan basqa, elimizdegi ártúrli iri halyqaralyq jáne jergilikti kompanııalardyń ınternet saıttarynan da, áleýmettik jelilerdegi paraqshalarynda da memlekettik tilge jetkilikti kóńil bólinbegenin ańǵarýǵa bolady», - dedi A. Sadyrbaı.

Osy oraıda ol ınternetke, ártúrli aqparattyq tehnologııalarǵa, gadjetterge táýeldilikti eskere otyryp, bul erekshe kóńil bóletin jaǵdaı ekenin atap ótti.

«Bul máseleni ınternette «Qazaqsha Jaz» jastar qozǵalysynyń da kóterip, belsendilik tanytyp júrgenin ataǵym keledi.Sondyqtan, ınternettegi til máselesine kóńil bólinip, memlekettik tilge qatysty talap qoıylyp, álgi saıttar memlekettik tilde de jumys istese tildiń qoldaný aıasy áldeqaıda keńeıip, ana tilimizdiń damýyna úlken oń áserin berer edi», - dedi keńes múshesi.


Joǵary qaraı