Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov Jezqazǵan, Sátbaev qalalaryndaǵy mektepterge bardy

2021 jyldyń 20 qazan 2021 23:08

NUR-SULTAN. QazAqparat - ​QR Bilim jáne ǵylym mınıstri Ashat Aımaǵambetov Qaraǵandy oblysynyń mektepterine bardy. Bul týraly mınıstr jelidegi paraqshasynda jazdy.

«Búgin jumys sapary barysynda Jezqazǵan, Sátbaev qalalaryndaǵy mektepterge, sondaı-aq Keńgir aýyldyq mektebine bardym. Bilim berý uıymdarynyń materıaldyq-tehnıkalyq bazasymen tanysyp, oqý kabınetterin araladym. Sondaı-aq Jezqazǵan ýnıversıtetiniń qyzmetkerlerimen kezdesip, mektep dırektorlarymen jáne óńirdegi bilim berý bólimderiniń basshylarymen jınalys ótkizdim. Mektep oqýshylarymen jáne pedagogtermen de áńgimelestim. Balalar dástúrli formatta ótip jatqan oqý protsesine qatysty oılarymen bólisip, muǵalimder suraqtaryn qoıdy. Qazirgi ýaqytta balalarymyz úshin qolaıly jaǵdaı jasaý jáne eń bastysy, olardyń qaýipsizdigin qamtamasyz etý, sondaı-aq bilimindegi olqylyqtardyń ornyn toltyrý basty mindet bolyp tabylatynyn atap ótkim keledi», - dep jazdy mınıstr.

Sonymen qatar mınıstr beınebaqylaý kameralarymen, dabyl batyrmalarymen jabdyqtaý boıynsha júrgizilip jatqan jumys barysymen tanysyp, barlyq kezdesý men jınalystardyń qorytyndysy boıynsha jaýapty tulǵalarǵa birqatar tapsyrma berdi.



Joǵary qaraı