Aýa raıy
Astana 25 °S
Almaty 27 °S
valıýta baǵamy
USD 412.55
EUR 468.66
RUB 5.79
CNY 58.80

Ashat Aımaǵambetov Úkimetten ár oblystan programmalaý mektebin ashyp berýdi surady

2020 jyldyń 30 maýsym 2020 10:05

NUR-SULTAN. QazAqparat – Bilim jáne ǵylym mınıstri Ashat Aımaǵambetov Úkimetten ár oblysta programmalaý mektepterin ashyp berýdi surady, dep habarlaıdy QazAqparat tilshisi.

«Qosymsha bilim deńgeıi boıynsha aıtyp ótsem: Oqýshylar saraılarynda 560-tan astam balalar tehnoparki men robot tehnıkasy kabıneti ashyldy. Sabaqtan tys úıirmelerde balalar robot programmalaýdy, 3D-printing oqyp úırenýde. Degenmen bulardy áli jetkiliksiz dep esepteımin. «Alem», «Kvant» sekildi aldyńǵy qatarly mektepterdiń úlgisi boıynsha arnaıy programmalaý mektepterin ár oblysta ashý boıynsha ákimderge tapsyrma berýińizdi suraımyn», - dedi Asqar Mamınniń qatysýymen ótken Úkimet otyrysynda Bilim jáne ǵylym mınıstri.

Sonymen birge mınıstr pedagogter de IT saýatyn arttyrý kýrstarynan ótetinin málim etti. Onyń aıtýynsha, IT páninen sabaq beretin ustazdardyń robot tehnıkasy men programmalaýdy meńgerýi mańyzdy.


Joǵary qaraı