Aýa raıy
Astana 28 °S
Almaty 33 °S
valıýta baǵamy
USD 412.55
EUR 468.66
RUB 5.79
CNY 58.80

Ashat Aımaǵambetov Úkimetke «Tsıfrlyq bilim» jobasyn tanystyrdy

2020 jyldyń 30 maýsym 2020 09:53

NUR-SULTAN. QazAqparat – Bilim jáne ǵylym mınıstri Ashat Aımaǵambetov Úkimetke «Tsıfrlyq bilim» jobasyn iske asyrýdy usyndy, dep habarlaıdy QazAqparat tilshisi.

«Memleket basshysynyń bergen tapsyrmalaryna sáıkes biz «Tsıfrlyq bilim» aýqymdy jobasyn iske asyrýdy usynamyz. Jobanyń ereksheligi qandaı? Joba negizgi úsh baǵytty qamtıdy. Birinshi - bazalyq tsıfrly quzyret. Barlyq azamattarǵa baǵyttalǵan. Mundaı baǵdarlamalardyń mazmunyna: kúndelikti ómir úshin qajet IT quraldardy paıdalaný, tsıfrlyq ortada baǵdarlaý, qarapaıym ІT ónimderin jasaý sııaqty daǵdylar kiredi. Ekinshi - mamandandyrylǵan ІT-kadrlardy daıarlaý. Naryqtyń suranysyna sáıkes joǵary sapaly, ІT salasyn tereń ıgergen 320 myń maman daıyndaý kózdelip otyr. Úshinshi - basqa sala jumyskerlerin IT quzyretpen uıqastyryp daıarlaý. Bul rette barlyq salanyń bilim alýshylary IT quzyretin óz mamandyǵymen qosa paıdalanatyn deńgeıde meńgeredi», - dedi Ashat Aımaǵambetov Úkimet otyrysynda.

Mınıstrdiń aıtýynsha, mysaly medıtsına, aýyl sharýashylyǵy, qurylys, zańtaný jáne basqa da salada oqıtyn stýdentter osy tsıfrlyq quzyretti ıgerip, pánaralyq maman bolyp shyǵady.

«Osy jobanyń nátıjesinde tereń IT bilimi bar jańa mamandar shyǵarylady. Atalǵan jobanyń sheńberinde jyl saıyn 400 myńnan astam kadr «tsıfrlyq quzyretke» ıe bolyp shyǵarylady. Osylaısha, 2030 jyly ár deńgeıdegi oqý oryndary jańa formatsııadaǵy 3 mıllıonnan astam maman daıarlaıdy», - dedi ol.


Joǵary qaraı