Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov: Semeıde muǵalimderdi kóshe sypyrýǵa jibergender jazalanady

2021 jyldyń 17 qazan 2021 16:29

SEMEI. QazAqparat - Semeı qalasynda oqý protsesine kedergi keltirip, muǵalimderdi kóshe sypyrýǵa jibergen. Shamasy, mundaı tapsyrmany qala ákiminiń orynbasary berip, osyndaı mazmundaǵy hat mektepterge taratylǵan. Bul týraly Bilim jáne ǵylym mınıstri Ashat Aımaǵambetov jelidegi paraqshasynda jazdy.

«2019 jyldyń jeltoqsanynda qabyldanǵan Zań sheńberinde pedagogterdi ózine tán emes fýnktsııalarǵa tartýǵa tyıym salynady. Sodan beri muǵalimder tek tikeleı fýnktsıonaldyq mindettermen aınalysýy kerek ekenin túsiný úshin ýaqyt jetkilikti boldy.Mundaı buzýshylyqtar úshin eki júzge jýyq basshy jazalandy. Olar tártiptik jáne ákimshilik jaýapkershilikke tartylyp, tipti jumystan shyǵaryldy.Semeı qalasyndaǵy oqıǵaǵa baılanysty bilim berý salasyndaǵy sapany qamtamasyz etý departamenti ákimshilik is qozǵap, tekserý júrgizilip jatyr. Qala ákimi orynbasarynyń bul jaǵdaıǵa qatystylyǵy rastalǵan jaǵdaıda, atalǵan laýazymdy tulǵa jáne ózge tulǵalar ákimshilik jaýapkershilikke tartylady. Biz sondaı-aq qajetti sharalar qabyldaý úshin Memlekettik qyzmet isteri agenttigine júginemiz. Sonymen qatar qalalyq bilim bóliminiń basshysy da jaýapkershilikke tartylady», - dep jazdy mınıstr jelide.


Joǵary qaraı