Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov oqýshylarǵa qajetsiz «basy artyq» pánder jaıynda pikir bildirdi

2021 jyldyń 27 qyrkúıek 2021 20:05

NUR-SULTAN. QazAqparat – Elimizdiń Bilim jáne ǵylym mınıstri Ashat Aımaǵambetov «mektepte keıbir qajetsiz pánderdi oqytpaý kerek» degen pikirge qatysty óz oıyn aıtty, dep habarlaıdy QazAqparat tilshisi.

«Jalpy, elimizdiń kóp mektepterinde balalar aptasyna 5 kún oqıdy. Ókinishke qaraı, keıbir oryn tapshy mektep oqýshylary 6 kúndik júıemen oqýǵa májbúr. Ondaı synyptar bar. Árıne, ol yńǵaısyzdyq týǵyzady. Osy jerde bir jaıtty anyqtap alý kerek, bul - elimizdegi mektep jetispeýshiliginen emes, bar mekteptegi orynnyń tapshylyǵynan týyndap otyr. Kelesi bir mańyzdy másele - mektepterdegi qajet nemese qajet emes degen pánder jaıynda. Ózderińiz biletindeı, bilim berýde tıptik oqý jospary, oqý baǵdarlamasy jáne memlekettik standart bar. Sondyqtan «myna pán kerek, anaý kerek emes» deý - durys emes. Elimizdiń jalpy bilim berý memlekettik standartyna sáıkes, balalar úshin barlyq pán qajet jáne mańyzdy», - dedi Ashat Aımaǵambetov Úkimet úıinde onlaın ótken baspasóz máslıhatynda.

Sondaı-aq, mınıstr elimizdegi mektep tapshylyǵy problemasyna toqtala kele onyń sheshiletinin aıtyp sendirdi.

Buǵan deıin Ashat Aımaǵambetov elimizde júrip jatqan sanaq jumysyna muǵalimder jumsalǵan jaǵdaıda aıyptylardyń jaýapqa tartylatynyn eskertken bolatyn.


Joǵary qaraı