Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov mektepterdegi epıdjaǵdaı týraly aıtty

2021 jyldyń 15 qazan 2021 14:59

NUR-SULTAN. QazAqparat – Mektepterde dástúrli oqý qalaı júrip jatyr jáne orta bilim oshaqtaryndaǵy epıdemıologııalyq jaǵdaı qalaı? Bul suraqtarǵa QR Bilim jáne ǵylym mınıstri Ashat Aımaǵambetov jaýap berdi, dep habarlaıdy QazAqparat tilshisi.

«Bıylǵy oqý jyly dástúrli túrde bastaldy. Oǵan 1,5 aı ýaqyt ótti. Kórip otyrǵandaryńyzdaı, elimizde indettiń taralýy báseńsip keledi. Balalardyń koronavırýsqa shaldyǵýyn shilde-tamyz aılarymen salystyrsaq, qazir jaǵdaı jaqsarǵan, ıaǵnı vırýstyń taraýy aıtarlyqtaı tómendegen. Elimiz boıynsha balalar arasynda koronavırýstyń taralýy 0,1 paıyzdan aspaı tur», - dedi A. Aımaǵambetov elordada ótip jatqan ulttyq mektep sport lıgasy barysynda.

Onyń aıtýynsha, mektepterde sanıtarlyq talaptar tıisti deńgeıde saqtalǵan.

«Keıbir synyptar karantınge jiberilip, qashyqtan oqyp jatyr. Al keıbir synyptar kerisinshe mektepke qaıta oralyp jatyr. Jalpy kórsetkish 0,1 paıyzdan aspaıdy. ıAǵnı jaǵdaı turaqty. Eń bastysy – mektepte sanıtarlyq talaptar qatań saqtalýda jáne karantın erejelerin ustana otyryp, bilim berý óz deńgeıinde jalǵasa beredi», - deıdi ol.

Buǵan deıin mınıstr dene shynyqtyrý páni muǵalimderine ústemeaqy tóletini týraly aıtty.

Sondaı-aq, vedomstvo basshysy mektepterde birneshe sport zaldan bolatynyn málim etti.



Joǵary qaraı