Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov: Bir mektepte birneshe sport zal bolýyn qarastyryp jatyrmyz

2021 jyldyń 15 qazan 2021 14:13

NUR-SULTAN. QazAqparat – Endigi ýaqytta orta bilim berý mektepterinde bir emes birneshe sport zaldan bolady. Bul týraly QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Elimiz boıynsha 45 myńnan astam balalarǵa arnalǵan sporttyq sektsııalar bar. Bıyl onyń sanyn 50 myńǵa jetkizbekpiz. Sol arqyly elimiz boıynsha balalardyń kem degende 50 paıyzyn kúndelikti sportpen shuǵyldanýǵa jaǵdaı jasaý. Ózderińiz bilesizder, Memleket basshysy óz Joldaýynda buqaralyq sportty damytýǵa erekshe mán berip, aldymyzǵa mindet qoıdy. Qazir mektepterdiń tıptik baǵdarlamasy ázirlenip jatyr. Ol boıynsha mekteptegi sporttyq ınfraqurylymdy jetildirmekpiz. Biz bilemiz, bir mektepte bir ǵana sport zal bar, ol bala sany kóp mektepter úshin azdyq etedi. Mektep baǵdarlamasyna sáıkes dene shynyqtyrý páni aptasyna 3 ret ótedi. Sondyqtan da tıptik baǵdarlamada biz ár mektepte birneshe sport zal bolýyn qarastyryp jatyrmyz. - dedi A. Aımaǵambetov elordada ótip jatqan ulttyq mektep sport lıgasy barysynda.


Joǵary qaraı