Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov: Balabaqshalarda balany damytýdyń jańa modeli engiziledi

2021 jyldyń 12 qazan 2021 11:52

NUR-SULTAN. QazAqparat – Barlyq balabaqshalarda balany damytýdyń jańa modeli engiziledi. Bul týraly Úkimet otyrysynda «BILIMDI ŪLT» barshaǵa arnalǵan sapaly bilim» ulttyq jobasyn tanystyrý kezinde Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Memleket basshysynyń tapsyrmasyna sáıkes, «BILIMDI ŪLT» barshaǵa arnalǵan sapaly bilim» ulttyq jobasy ázirlendi. Joba qoǵam ókilderimen, bilim salasynyń sarapshylarymen keńinen talqylandy, múddeli memlekettik organdarmen pysyqtaldy. Ulttyq joba - 2025 jylǵa deıingi Ulttyq damý josparyndaǵy, Qazaqstan-2050 Strategııasy, Memleket basshysynyń jáne Nur Otan partııasynyń saılaýaldy baǵdarlamasynda belgilengen negizgi mindetterdi qamtydy. Jalpy ol 4 baǵyt, 5 mindet, 15 kórsetkish jáne 26 is-sharadan turady», - dedi A. Aımaǵambetov.

Birinshi mindet - balabaqshalardyń qoljetimdiligin jáne sapasyn qamtamasyz etý. Ol úshin mektepke deıingi uıymdardyń jelisi damytylyp, memlekettik tapsyrys vaýcherlik qarjylandyrý arqyly ornalastylady. Sonymen birge, Memleket basshysynyń tapsyrmasy aıasynda barlyq balabaqshada balany damytýdyń jańa modeli engiziledi. Bul óte mańyzdy.

«Sonyń ishinde balabaqshalardyń memlekettik bilim berý standarty «Oıyn arqyly oqytý» prıntsıpi boıynsha ózgertiledi. Osyǵan oraı, balalardy erte jastan damytý boıynsha pedagogtarǵa biliktilikti arttyrý kýrstary uıymdastyrylytyn bolady. Nátıjesinde, 2025 jylǵa qaraı 2-6 jastaǵy balalardy qamtý 95%-ǵa jetedi, al 3-6 jasta qamtý 100% bolady», - dedi mınıstr.


Joǵary qaraı