Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Áset Isekeshev UQShU-ǵa múshe memleketterdiń Qaýipsizdik keńesteriniń hatshylarymen kezdesti

2021 jyldyń 28 sáýir 2021 20:27

NUR-SULTAN. QazAqparat - Dýshanbe qalasynda (Tájikstan) Qazaqstan Respýblıkasy Prezıdentiniń kómekshisi – Qaýipsizdik Keńesiniń Hatshysy Áset Isekeshev Ujymdyq qaýipsizdik sharty uıymynyń (UQShU) Qaýipsizdik keńesteri hatshylarynyń otyrysy barysynda Uıymǵa múshe memleketterdegi óz áriptesterimen ekijaqty kezdesýler ótkizdi.

Bul týraly QazAqparat Aqordanyń resmı saıtynan málim boldy.

Tájikstan Respýblıkasy Qaýipsizdik Keńesiniń hatshysy N.Mahmýdzodamen kezdesýde Aýǵanstandaǵy ahýaldy eskere otyryp, óńirlik qaýipsizdikti nyǵaıtý máseleleri qaraldy. Ózara is-qımyldy, onyń ishinde, zańsyz kóshi-qon men esirtki trafıgine qarsy kúres baǵytyn odan ári jandandyrý qajet ekeni aıtyldy.





Reseı Federatsııasy Qaýipsizdik Keńesiniń hatshysy N.Patrýshevpen kelissózder barysynda óńirlik jáne jahandyq qaýipsizdiktiń ózekti máseleleri, eki eldiń tıisti memlekettik organdarynyń terrorızmge jáne dinı ekstremızmge qarsy is-qımyly, áskerı-tehnıkalyq yntymaqtastyq baǵytyndaǵy ózara baılanystary talqylandy. Transshekaralyq ózenderdiń ekojúıesi men sý resýrstaryn saqtaý máseleleri qozǵaldy, atap aıtqanda, Jaıyq ózeniniń jaǵdaıy sóz boldy.

Kezdesý nátıjeleri boıynsha taraptar 2021-2022 jyldarǵa arnalǵan Qazaqstan men Reseı Qaýipsizdik keńesteri apparattary arasyndaǵy yntymaqtastyq josparyna qol qoıdy.





Belarýs Respýblıkasy Qaýipsizdik Keńesiniń Memlekettik hatshysy A.Volfovıchpen jáne Armenııa Respýblıkasy Qaýipsizdik keńesiniń hatshysy A.Grıgorıanmen qazirgi zamanǵy qaýip-qaterlerge qarsy turý úshin áriptestikti nyǵaıtý boıynsha pikir almasty, sondaı-aq, eki el Qaýipsizdik keńesteri apparattarynyń arasyndaǵy yntymaqtastyq josparynyń júzege asyrylýy talqylandy.








Joǵary qaraı