Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Áset Isekeshev ShYU-ǵa múshe memleketterdiń qaýipsizdik keńesteri hatshylarynyń kezdesýine qatysty

2020 jyldyń 15 qyrkúıek 2020 17:58

NUR-SULTAN. QazAqparat - Prezıdenttiń kómekshisi – Qaýipsizdik Keńesiniń hatshysy Áset Isekeshev Shanhaı yntymaqtastyq uıymyna múshe memleketterdiń qaýipsizdik keńesteri hatshylarynyń on besinshi kezdesýine qatysty, dep habarlaıdy QazAqparat Aqordanyń baspasóz qyzmetine silteme jasap.

Prezıdenttiń kómekshisi – Qaýipsizdik Keńesiniń hatshysy Áset Isekeshev beınekonferentsııa formatynda ótken Shanhaı yntymaqtastyq uıymyna múshe memleketterdiń qaýipsizdik keńesteri hatshylarynyń on besinshi kezdesýine qatysty.

Qatysýshylar ShYU keńistigindegi qaýipsizdik salasyndaǵy ahýaldy, «úsh qastandyqqa» (terrorızm, ekstremızm, separatızm), esirtkiniń zańsyz aınalymyna, transshekaralyq uıymdasqan qylmysqa qarsy kúrestegi ózara is-qımyldy tereńdetý, sondaı-aq halyqaralyq aqparattyq qaýipsizdikti qamtamasyz etý máselelerin talqylady.

Shara barysynda ShYU Bas hatshysy men ShYU ÓTQQ Atqarýshy komıteti dırektorynyń turaqty jumys isteıtin organdarynyń qyzmeti týraly baıandamalary tyńdaldy.

Áset Isekeshev qatysýshylardy COVID-2019 pandemııasyna qarsy bizdiń memleket tarapynan atqarylyp jatqan is-qımyldar týraly habardar etti. Sanıtarlyq-epıdemıologııalyq sıpattaǵy qaýipterdiń erekshe ózektiligin atap ótip, seriktesterdi osy salada ózara árekettesýdi is júzinde jandandyrýǵa shaqyrdy.

Qazaqstannyń Qaýipsizdik Keńesiniń hatshysy terrorıstik, ekstremıstik jáne ózge de qylmystyq maqsattarda aqparattyq tehnologııalardy keńinen qoldaný qaýpiniń artqanyna nazar aýdardy. Osy syn-tegeýrinderge qarsy kúres aıasynda Qazaqstan tarapy terrorızm men dinı ekstremızm ıdeologııasyna qarsy is-qımylǵa járdem kórsetý jónindegi ınternet-resýrstar ákimshilikterine ShYU-ǵa múshe memleketterdiń birlesken kommıýnıkesin (úndeýin) ázirleýdi usyndy.

Áset Isekeshev áriptesterin Qazaqstan Prezıdenti Qasym-Jomart Toqaevtyń byltyr Bishkekte ótken ShYU sammıtinde usynǵan ShYU aqparattyq qaýipsizdik ortalyǵyn qurý bastamasyn qoldaýǵa shaqyrdy.

Esirtkige qarsy baǵyt boıynsha óńirlik ózara is-qımyldyń, sondaı-aq ShYU Hatshylyǵy men OAÓAÚO arasyndaǵy yntymaqtastyq týraly memorandýmǵa qol qoıýdy jyldamdatý mańyzdy ekeni aıtyldy.

Shara barysynda Qazaqstannyń ShYU keńistiginde qaýipsizdikti qamtamasyz etýdiń barlyq ózekti máseleleri boıynsha yntymaqtastyqty nyǵaıtý jáne quzyretti memlekettik organdar jelisi boıynsha ózara is-qımyldy odan ári damytýǵa beıildi ekeni naqtylandy.

Joǵary qaraı