Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Áset Isekeshev Aýǵanstan Prezıdentiniń ulttyq qaýipsizdik jónindegi keńesshisimen kelissóz júrgizdi

2021 jyldyń 18 maýsym 2021 16:07

NUR-SULTAN. QazAqparat - Nur-Sultan qalasynda Qazaqstan Prezıdentiniń kómekshisi – Qaýipsizdik Keńesiniń hatshysy Áset Isekeshev Aýǵanstan Prezıdentiniń ulttyq qaýipsizdik jónindegi keńesshisi Hamdýlla Mohıbpen kelissóz júrgizdi, dep habarlaıdy QazAqparat Aqordanyń resmı saıtyna silteme jasap.

Atalǵan is-shara Qazaqstan Respýblıkasynyń Prezıdenti Qasym-Jomart Toqaev pen Aýǵanstan Islam Respýblıkasynyń Prezıdenti Ashraf Ǵanı arasyndaǵy qol jetkizilgen ýaǵdalastyqtar aıasynda ótti.

Kelissóz barysynda taraptar óńirlik jáne jahandyq qaýipsizdiktiń jaı-kúıi, Ortalyq Azııadaǵy qazirgi syn-qaterler, halyqaralyq uıymdar aıasyndaǵy yntymaqtastyqty odan ári nyǵaıtý baǵyttary jóninde pikir almasty. Sondaı-aq Aýǵanstannan AQSh pen onyń NATO-daǵy odaqtastary áskerleriniń shyǵýyna baılanysty ahýaldyń damý barysy, búkil óńirdiń qaýipsizdigi boıynsha eldiń ornyqty damýyn qamtamasyz etý perspektıvalary talqylandy.

Áset Isekeshev Hamdýlla Mohıbty óńirlik turaqtylyqtyń negizgi máselelerine qatysty elimizdiń ustanymy týraly habardar etip, Aýǵanstandaǵy jaǵdaıdy retteý jónindegi halyqaralyq kúsh-jiger BUU qamqorlyǵymen ótýi tıis ekenin atap ótti.

Aýǵanstan Islam Respýblıkasy Prezıdentiniń Ulttyq qaýipsizdik jónindegi keńesshisi óz kezeginde aýǵanishilik retteý jónindegi beıbit úderistiń barysyn egjeı-tegjeıli baıandady.

Budan bólek áskerı jáne áskerı-tehnıkalyq saladaǵy yqpaldastyqtyń aspektileri, esirtki tasymaly men zańsyz kóshi-qonǵa qarsy is-qımyl máseleleri jáne basqa da ózekti syn-qaterler qarastyryldy.

Kelissóz sońynda taraptar Ortalyq Azııa óńirindegi qaýipsizdikti qamtamasyz etý úshin eki el arasyndaǵy yntymaqtastyqty arttyrýǵa nıetti ekenin naqtylady.


Joǵary qaraı