Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Arzan baǵaǵa úı almaq bolǵan óskemendik 9 mln teńgesinen aıyryldy

2021 jyldyń 2 qazan 2021 05:43

ÓSKEMEN. QazAqparat – Óskemen qalasynyń turǵyny alaıaqtyń arbaýyna iligip, 9 jarym mln teńgesinen aıyryldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, 47 jastaǵy qala turǵyny tártip saqshylarynan kómek suraǵan.

Onyń aıtýynsha, ózin áńgimege tartqan tanysy páter men kólikti tómen baǵamen satyp alýǵa kómektesetindigine sendirdi.

Buǵan aldanǵan azamat 9 500 000 teńgesin bere salǵan. Alaıda aqsha qolyna tıgen soń alaıaq múlde habar-osharsyz ketti.

«Polıtsııa qyzmetkerleri jedel-izdestirý sharalaryn júrgizý barysynda 45 jastaǵy jergilikti turǵyndy ustady. Ol óz kinásin moıyndap otyr. Qazirgi ýaqytta atalǵan fakti boıynsha QR QK-niń 190-baby 3-bóligine sáıkes (iri kólemde jasalǵan alaıaqtyq) sotqa deıingi tergeý amaldary bastaldy», - dedi oblystyq PD bastyǵy Saǵat Mádıev.


Joǵary qaraı