Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Arysta sheneýnik muqtajdarǵa arnalǵan 160 mln teńgeni týystarynyń shotyna aýdaryp jibergen

2021 jyldyń 17 shilde 2021 15:00

ARYS. QazAqparat - Túrkistan oblysy Arys qalasynyń jumyspen qamtý jáne áleýmettik baǵdarlamalar bólimi basshysynyń orynbasary ustaldy, dep habarlaıdy QazAqparat.

QR Sybaılas jemqorlyqqa qarsy is-qımyl agenttiginiń baspasóz qyzmeti málim etkendeı, laýazymdy tulǵa bir top adammen birge 2018-2021 jyldar aralyǵynda bıýdjet qarajatyn qaltasyna basyp otyrǵan.

«Ol memleket qarjysyn óziniń jaqyn týystary men tanystarynyń esepshotyna aýdaryp otyrǵan. Negizi bul - az qamtylǵan muqtaj otbasylardy qoldaýǵa baǵyttalǵan qarajat bolatyn. Saldarynan memleketke shamamen 160 mln teńgeden astam shyǵyn kelgen» dep málim etti agenttik.

Jymqyrylǵan qarajat «Memlekettik ataýly áleýmettik kómek» baǵdarlamasy sheńberinde Arys qalasynda turatyn turmysy tómen otbasylarǵa járdemaqy tóleýge jáne keı sanattaǵy azamattardy pandemııa, tótenshe jaǵdaı men shekteý sharalary kezinde azyq-túlik, turmystyq zattarmen qamtamasyz etýge bólingen edi.

Tergeý jalǵasyp jatyr.


Joǵary qaraı