Aýa raıy
Astana -16 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Arysta eki myńǵa tarta adamdy jumyspen qamtıtyn jobalar júzege asyrylmaq

2020 jyldyń 25 qarasha 2020 05:43

ARYS. QazAqparat – Túrkistan oblysy, Arys qalasynda jyl basynan beri negizgi kapıtalǵa tartylǵan jalpy ınvestıtsııa kólemi 12 mlrd 118 mln teńgeni quraǵan. Bul týraly qala ákimi Murat Qadyrbek kezekti brıfıng barysynda málimdedi, dep habarlaıdy QazAqparat tilshisi.

Murat Qadyrbektyń aıtýynsha, qalada jalpy quny 101 mlrd 110mln teńgelik 5 joba iske qosylmaq. Sóıtip jańadan 1838 jumys oryndary ashylady dep josparlanyp otyr.

«Óńirlik kásipkerlikti qoldaý kartasy aıasynda «Tansarı Treıdıng A» JShS-ń jalpy quny 1 mlrd 700 mln teńgeni quraıtyn baqsha daqyldary men jemisterdi saqtaý jáne joǵary sapaly tamaq ónimderin qaıta óńdeý jobasyn keler jyly iske asyrý josparlanýda. Joba aıasynda 153 adamdy turaqty, 300 adamdy ýaqytsha jumyspen qamtıtyn bolamyz. Sondaı-aq, «Qamqor Qazaqstan» AÓK-ń jalpy quny 1 mlrd 700 mln teńgeni quraıtyn qurama jem shyǵaratyn zaýyt qurylysynyń jobasyn kelesi jyly iske asyrý josparlanǵan. Al, «Kazgreenteksolar» JShS-ń jalpy jalpy 2 mlrd 500 mln teńgeni quraıtyn kún sáýlesinen balamaly elektr energııasyn óndirý jobasyn 2021 jylǵa iske asyrý josparlanǵan. «QarataýTransServıs» JShS-ń jalpy quny 11 mlrd teńgeni quraıtyn munaı jáne munaı ónimderin óńdeý zaýyt qurylysynyń jobasyn aldaǵy jyly iske asyrý josparlanǵan. Joba aıasynda turaqty 112 jumys orny ashylatyn bolady»,- dedi Murat Bolatuly.

Qala ákimi aldaǵy jyly qolǵa alynatyn jobalardyń qatarynda «Túrkistan Agro» JShS-ń quny 8,5mlrd teńgeni quraıtyn 3000-10000 basqa arnalǵan iri qara maldy bordaqylaý alańynyń qurylys jobasyn atap ótti. Onda 50 jańa jumys orny ashylmaq. Qazirgi tańda onda elektr energııasyn tartý jumystary júrgizilýde.

Joǵary qaraı