Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

مامونت تىستەرىن قازاقستان ارقىلى قىتايعا الىپ وتپەك بولعان

2022 jyldyń 25 mamyr 2022 13:26

نۇر- سۇلتان. قازاقپارات - نۇر- سۇلتان قالاسى سارى ارقا اۋداندىق №2 سوتىنىڭ مامونت پەن ءمۇيىزتۇمسىق تىستەرىن قىتايعا كونتراباندالىق جولمەن الىپ وتپەك بولعان ايىپتالۋشىعا قاتىستى ۇكىمى شىقتى، دەپ حابارلايدى قازاقپارات ق ر باس كولىك پروكۋراتۋراسىنا سىلتەمە جاساپ.

«ساراپشىلاردىڭ باعالاۋىنشا، ولاردىڭ سالماعى - 5 توننا، ال قۇنى - 1 ميلليارد تەڭگە. ەجەلگى الىپ جانۋارلاردىڭ قالدىقتارى ەلىمىزگە رەسەي فەدەراتسياسى ساحا (ياكۋتيا) رەسپۋبليكاسىنان اكەلىنگەن. قازاقستاننىڭ ۋاكىلەتتى ورگانىنا زاتتاردى الىپ شىعۋعا ليتسەنزيا بەرىلۋى ءۇشىن اككرەديتاتسيادان ايىرىلعان رەسەيلىك ماماننىڭ مادەني قۇندىلىعى جوقتىعى تۋرالى جالعان قورىتىندىسى ۇسىنىلعان»، - دەلىنگەن مالىمدەمەدە.

سوت ايىپتالۋشىعا 4 جارىم جىل باس بوستاندىعىنان ايىرۋ تۋرالى جازا تاعايىندادى. سونداي- اق، تىستەردىڭ نەگىزگى بولىگى ق ر ۇلتتىق مۋزەيىنە، قالعانى زاڭدى يەلەرى - ساحالىق كاسىپكەرلەرگە بەرىلدى. سوت اكتىسى زاڭدى كۇشىنە ەنگەن جوق.

ايتا كەتسەك، مامونت تىستەرىن زاڭسىز جولمەن الىپ وتپەك بولعان رەسەيلىك وتكەن جىلعى قازاندا نۇر- سۇلتان اۋەجايىندا ۇستالعان بولاتىن. باس كولىك پروكۋراتۋراسى رەسەيلىك ارىپتەستەرىمەن بىرلەسە وتىرىپ، ايىپتالۋشىنىڭ كىناسىن دالەلدەيتىن قاجەتتى ايعاقتاردى جينادى. سوت پروتسەسى بارىسىندا مەملەكەتتىك ايىپتاۋشى باستاماسىمەن ق ر ءبىلىم جانە عىلىم مينيسترلىگىنە قىلمىس جاساۋعا ىقپال ەتەتىن سەبەپتەر مەن شارتتاردى جويۋ تۋرالى جەكە قاۋلى شىعارىلدى.

«پالەونتولوگيا زاتتارىنىڭ ەكسپورتىنا ليتسەنزيا بەرۋ ءتارتىبىن قايتا قاراۋ قاجەت. مەملەكەتتىك قىزمەت كورسەتۋ مەرزىمدەرىن ۇزارتىپ، كوميسسيا قۇرامىنا مادەنيەت جانە سپورت مينيسترلىگى وكىلدەرىن قوسۋ كەرەك. سەبەبى، قولدانىستاعى زاڭناما بويىنشا ءبىر تاۋلىك ىشىندە قۇندىلىقتارعا تەك قانا ۇسىنىلعان قۇجاتتار نەگىزىندە وبەكتيۆتى باعا بەرۋ قيىنعا سوعادى»، - دەپ كورسەتەدى ورگان.

اۆتور: گۇلنۇر قالدىبايەۆا

Basty sózder: قوعام,
Joǵary qaraı