Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

الەمنىڭ ۇزدىك ۋنيۆەرسيتەتتەرى رەيتينگىنە قازاقستاننان ءبىر عانا ج و و كىردى

2022 jyldyń 25 mamyr 2022 13:01

نۇر- سۇلتان. قازاقپارات - الەمنىڭ ۇزدىك ۋنيۆەرسيتەتتەرىنىڭ مارتەبەلى اكادەميالىق رەيتينگىنە قازاقستاننان ءبىر عانا جوعارى وقۋ ورنى كىردى، دەپ حابارلايدى قازاقپارات ءتىلشىسى Finprom.kz پورتالىنا سىلتەمە جاساپ.

CWUR قۇراستىراتىن الەم ۋنيۆەرسيتەتتەرىنىڭ اكادەميالىق رەيتينگى - جوعارى وقۋ ورىندارىنىڭ اراسىندا جۇرگىزىلەتىن ايتۋلى رەيتينگتەردىڭ ءبىرى سانالادى. بيىل الەمدەگى 20 مىڭعا جۋىق جوعارى وقۋ ورنى باعالاۋدان ءوتىپ، ونىڭ ىشىندە ۇزدىك 2 مىڭ ۋنيۆەرسيتەت ىرىكتەپ الىنعان. ءدال وسى تىزىمگە ەلىمىزدەن تەك نازاربايەۆ ۋنيۆەرسيتەتى (الەمنىڭ 19,8 مفىڭ ج و و- لارى اراسىنداعى توپ-2000 ىشىندە 1765- ورىندا تۇر) عانا كىرىپ وتىر. مۇنىڭ ۇستىنە نازاربايەۆ ۋنيۆەرسيتەتى - تەك قازاقستاننان عانا ەمەس، سونىمەن بىرگە ورتا ازيا ەلدەرىنەن اتالعان رەيتينگكە كىرگەن جالعىز جوعارى وقۋ ورنى.

ت م د ەلدەرىنىڭ ىشىندە بۇل رەيتينگە رەسەيدىڭ 42، ۋكراينانىڭ 6، بەلارۋستىڭ 2 ۋنيۆەرسيتەتى، ال تۇركى مەملەكەتتەرىنىڭ ىشىندە تۇركيانىڭ بىردەن 56 جوعارى وقۋ ورنى كىرگەن. الەمنىڭ ۇزدىك 5 ۋنيۆەرسيتەتى قاتارىندا ا ق ش- تىڭ گارۆارد ۋنيۆەرسيتەتى، ماسساچۋسەتس تەحنولوگيا ۋنيۆەرسيتەتى، ستەنفورد ۋنيۆەرسيتەتى، بريتانيانىڭ كەمبريدج بەن وكسفورد ۋنيۆەرسيتەتتەرى بار.

ايتا كەتەرلىگى، ەلىمىزدە جوعارى وقۋ ورىندارىنىڭ سانى بىرتىندەپ قىسقارىپ، ناشار وقۋ ورىندارى جابىلىپ جاتىر. ولاردىڭ ءبىلىم بەرۋ دەڭگەيىنە باقىلاۋ دا كۇشەيتىلگەن. ماسەلەن، 2021-2022 وقۋ جىلىندا رەسپۋبليكادا 122 ج و و بولدى. سالىستىرمالى تۇردە ايتار بولساق، وسىدان 5 جىل بۇرىن – 125، 10 جىل بۇرىن – 146، ال 20 جىل بۇرىن 185 ج و و بولعان ەدى.

ءبىلىم بەرەتىن جوعارى وقۋ ورىندارى ىشىندە 83 ۋنيۆەرسيتەت، 16 اكادەميا، 12 ينستيتۋت جانە ولارعا تەڭەستىرىلەن كونسەرۆاتوريا، جوعارى مەكتەپ پەن جوعارى ۋچيليشە، 9 ۇلتتىق جوعارى وقۋ ورنى، 2 ۇلتتىق زەرتتەۋ ۋنيۆەرسيتەتى بار. رەسپۋبليكا جوعارى وقۋ ورىندارىندا 36,4 مىڭ وقىتۋشى ءبىلىم بەرەدى. ونىڭ 2,6 مىڭى - عىلىم دوكتورى، 11,1 مىڭى - عىلىم كانديداتى، 2,4 مىڭى - پروفەسسور، 5,2 مىڭى - دوتسەنت عىلىمي اتاعىن العان. 3,4 مىڭ وقىتۋشىنىڭ فيلوسوفيا دوكتورى عىلىمي اتاعى بار.

اۆتور: مارلان جيەمباي

Basty sózder: قوعام,
Joǵary qaraı