Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

قازاقستاندا قاڭتاردان كەيىن ءتورت تۇلىكتەن اۋسىل تابىلعان جوق – ا ش م

2022 jyldyń 25 mamyr 2022 11:44

نۇر- سۇلتان. قازاقپارات - اقمولا جانە پاۆلودار وبلىستارىندا ءۇي جانۋارلارىنا جاسالعان زەرتتەۋ كەزىندە پاراگريپپ-3، نودۋليارلىق دەرماتيت، كونتاگيوزدى پليەۆروپنيەۆمونيا، پاستەرەللەز، ۆيرۋستىق ديارەيا جانە اۋسىل سياقتى اۋرۋلار تابىلعان جوق، دەپ حابارلايدى قازاقپارات.

ق ر اۋىل شارۋاشىلىعى مينيسترلىگىنىڭ ۆەتەريناريا بويىنشا ۇلتتىق رەفەرەنتتىك ورتالىعى 14- قاڭتاردا قاراعاندى وبلىسىندا اۋسىل وشاعىن تىركەدى. كوپ ۇزاماي شەت اۋدانى كيىكتى اۋىلدىق وكرۋگى اكىمىنىڭ شەشىمىمەن شارۋا قوجالىعىنا كارانتين قويىلىپ، بايلانىستا بولعان بۇكىل جانۋاردىڭ كوزى جويىلدى، سونداي- اق دەزينفەكسيا جۇرگىزىلدى.

سونىمەن قاتار، ۆەتەريناريالىق باقىلاۋ جانە قاداعالاۋ كوميتەتى جانۋارلاردىڭ دەنساۋلىعىن قورعاۋ جونىندەگى دۇنيەجۇزىلىك ۇيىمعا اۋسىل تۋرالى دەرەۋ حابارلادى. وسىعان بايلانىستى اتالمىش ۇيىم ۆاكسيناتسياسىز اۋسىل بويىنشا سالاۋاتتىلىق مارتەبەسىن توقتاتتى. ال يمپورتتاۋشى ەلدەر (رەسەي، قىتاي، بەلورۋسسيا جانە باسقا) قازاقستاننان ءتىرى جانۋارلاردى، جانۋارلاردان الىناتىن ونىمدەر مەن شيكىزاتتى ەكسپورتتاۋعا قاتىستى شەكتەۋ شارالارىن ەنگىزدى. بۇل قازاقستاندىق ەكسپورتتاۋشىلاردىڭ مۇددە قولداۋىنىڭ (لوببي) جوقتىعىن كورسەتتى.

سونىمەن قاتار، اۋىل شارۋاشىلىعى مينيسترلىگى جەرگىلىكتى اتقارۋشى ورگانداردىڭ ۆەتەريناريا قىزمەتى اۋىل شارۋاشىلىعى قۇرىلىمدارىنىڭ ۆەتەرينار دارىگەرلەرىمەن بىرلەسىپ، اۋسىل بويىنشا جاعدايدى تۇراقتاندىرۋ جۇمىسىن جۇرگىزدى. رەسەيدىڭ ۆەتەرينارلىق جانە فيتوسانيتارلىق قاداعالاۋ جونىندەگى فەدەرالدىق قىزمەتىنىڭ حاتتارىنا سايكەس بيىل ءساۋىر ايىنان باستاپ قازاقستان اۋماعىنان تاعامدىق كوللاگەن ءوندىرۋ ءۇشىن ءى ق م تەرىلەرىن اكەلۋگە رۇقسات ەتىلدى. سونىمەن قاتار، ۆەتەرينارلىق باقىلاۋ جانە قاداعالاۋ كوميتەتى ەپيزووتيالىق ساۋلىقتى ساقتاۋ ءۇشىن قازاقستاننىڭ ورتالىق ايماعىندا ءتورت تۇلىكتى ۆاكسينالاۋ تۋرالى شەشىم قابىلدادى. بۇل تۋرالى دۇنيەجۇزىلىك جانۋارلار دەنساۋلىعىن قورعاۋ ۇيىمى حابارلادى.

ايتا كەتۋ كەرەك، مال اۋرۋىنا كۇدىك تۋىنداعان ءار جاعدايدا ۆەتەرينارلىق قىزمەتتەر اككرەديتتەلگەن زەرتحانادا زەرتتەلەتىن بيولوگيالىق ماتەريالدىڭ سىناماسىن الادى. اقمولا جانە پاۆلودار وبلىستارىنان كەلگەن اۋرۋ جانۋارلاردى زەرتحانالىق زەرتتەۋ ناتيجەسىنە سايكەس ينفەكتسيالىق رينوتراحەيت ورناتىلدى. شەكتەۋ شارالارى ەنگىزىلىپ، قازىر قاجەتتى جۇمىس جۇرگىزىلىپ جاتىر. زەرتتەۋ ناتيجەسىندە پاراگريپپ-3، نودۋليارلىق دەرماتيت، اۋسىل، كونتاگيوزدى پليەۆروپنيەۆمونيا، پاستەرەللەز جانە ۆيرۋستىق ديارەيا سياقتى اۋرۋلار انىقتالمادى. جالپى، ەلىمىزدە اۋسىل بويىنشا ەپيزووتيالىق جاعداي تۇراقتى.

Basty sózder: قوعام,
Joǵary qaraı