Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ءتورت پايىزدىق اۆتونەسيەنى قالاي الۋعا بولادى؟

2022 jyldyń 16 mamyr 2022 17:55

نۇر- سۇلتان. قازاقپارات - «ونەركاسىپتى دامىتۋ ورتالىعى» اكسيونەرلىك قوعامى مەن «قازاقستان اۆتوبيزنەس قاۋىمداستىعىنىڭ»، ەكىنشى دەڭگەيلى بانك وكىلدەرىنىڭ قاتىسۋىمەن 4 پايىزدىق اۆتونەسيە شارتتارىن تۇسىندىرۋگە ارنالعان بريفينگ وتكەن بولاتىن.

قازاقپارات وسى شارادا ايتىلعان اقپاراتتار نەگىزىندە جەڭىلدەتىلگەن اۆتونەسيە راسىمدەۋ تارتىبىنە شولۋ جاسادى.

4 پايىزدىق نەسيە راسىمدەۋدىڭ قىسقاشا نۇسقاۋلىعى مىناداي:

1 باعدارلاماعا قاتىسۋشى ادام ديلەرلىك ورتالىققا بارىپ، قازاقستاندا جاسالاتىن كولىكتەردىڭ ىشىنەن وزىنە قاجەتىن تاڭدايدى.

2. ەگەر ول تاڭداعان كولىك (قالاعان جيىنتىعىمەن قوسا) بار بولسا، اۆتوسالون VIN- كودى بار تولەم شوتىن ۇسىنادى. ول تولەم شوتى 5 كۇنگە جارامدى.

3. وسى 5 كۇننىڭ ىشىندە تۇتىنۋشى ەكىنشى دەڭگەيلى بانكتەردىڭ بىرىنە بارىپ قولىنداعى VIN- كودى بار تولەم شوتى ارقىلى ءوتىنىم راسىمدەيدى. (ازىرگە بۇل باعدارلاما بويىنشا جۇمىس ىستەيتىن 4 بانك بەلگىلى. ولار: «حالىق بانك»، «بانك سەنتركرەديت»، «فورتە بانك» جانە ەۋرازيالىق بانك».

سونىڭ ىشىندە بۇگىن ساعات 14.00 دەن باستاپ «سەنتركرەديت بانكى عانا ءوتىنىم قابىلداپ باستادى).

«ونەركاسىپتى دامىتۋ» قورى» اكسيونەرلىك قوعامىنىڭ باسقارما باسشىسى عالىمجان ءاديدىڭ ايتۋىنشا، وسى اپتانىڭ ىشىندە قالعان ءۇش بانك تە قوسىلۋى كەرەك.

4. بانك ءوتىنىمدى قابىلداعاننان كەيىن ءوزىنىڭ ەلەكتروندى كەزەگىنە تىركەيدى.

5. نەسيە بەرۋ تۋرالى وڭ شەشىم شىعارۋ ءۇشىن بانك ءوتىنىم يەسىنىڭ تولەم قابىلەتى مەن نەسيە تاريحىن تەكسەرەدى.

6. ءوتىنىم ماقۇلدانسا، بانك كەپىلحات بەرەدى.

7. تۇتىنۋشى ول كەپىلحاتتى ديلەرلىك ورتالىققا (اۆتوسالونعا) اپارۋى كەرەك. ديلەرلىك ورتالىق تولەم شوتىن بەرگەن كۇن مەن تۇتىنۋشى كەپىلحات اكەلگەن كۇننىڭ اراسىندا بەس كۇننەن ارتىق ۋاقىت وتپەۋى كەرەك.

ءبىر ادام نەشە رەت 4 پايىزدىق نەسيە الا الادى؟

بۇل باعدارلامانىڭ ەرەكشەلىگى بار. نەعۇرلىم كوپ ادام الۋ ءۇشىن ءبىر ازامات مۇنداي نەسيەنى 2 جىلدا ءبىر-اق رەت الا الادى»، - دەدى عالىمجان ءادي.

كەزەك قالاي باقىلانادى؟

كولىك العىسى كەلگەن ادام اۆتوسالونعا بارىپ كولىك تاڭدايدى. وسىدان كەيىن بروندالعان كولىك تۋرالى مالىمەت ءوندىرۋشى كومپانيانىڭ ىشكى جۇيەسىنە ەنگىزىلەدى. سول ارقىلى ءوندىرۋشى قاي قالاعا قانداي اۆتوموبيل قاشان جەتكىزىلۋى كەرەك ەكەنىن ءبىلىپ وتىرادى.

بۇل ەلەكتروندى كەزەك ءاربىر ءوندىرۋشى كومپانيانىڭ ءوز ىشىندە قالىپتاستىرىلادى. تۇتىنۋشى وسىلايشا اۆتوموبيلدى برونداعاننان كەيىن قولىنا قۇجات بەرىلەدى. ەگەر تۇتىنۋشى تاڭداعان كولىك ساتىلىمدا بار بولسا، VIN- كودى كورسەتىلگەن تولەم شوتى كورسەتىلەدى. وسى قۇجاتپەن ەكىنشى دەڭگەيلى بانككە بارىپ، جەڭىلدەتىلگەن نەسيە بويىنشا كولىك ساتىپ الۋ تۋرالى ءوتىنىم بەرىلەدى.

ەگەر تۇتىنۋشى تاڭداعان كولىك ساتىلىمدا بولماسا، ءوندىرۋشى قاشان جەتكىزىلەتىنىن ايتادى.

ادەتتە بۇل الدىن الا ساتۋ-ساتىپ الۋ نەمەسە برونعا قويۋ كەلىسىمشارتى تۇرىندە راسىمدەلەدى.

ادەتتە تولەم شوتى اۆتوسالونعا تاڭدالعان كولىك كەلىپ تۇسكەن ساتتە بىردەن بەرىلەدى.

VIN- كودى كورسەتىلگەن تولەم شوتىن العان ادامعا 5 كۇن ۋاقىت بەرىلەدى. سول 5 كۇننىڭ ىشىندە تۇتىنۋشى تاپسىرىس بەرىپ، تولەم قابىلەتىن تەكسەرتىپ، ماقۇلداسا، كەپىلحات الادى.

ول كەپىلحاتتى اۆتوسالونعا اپارادى. 5 كۇننىڭ ىشىندە تۇتىنۋشى قوڭىراۋعا جاۋاپ بەرمەي نەمەسە ءوزى بارماي، نەمقۇرايدىلىق كورسەتسە، ديلەرلىك ورتالىقتاعى ادامدار حابارلاسادى. وندا دا بايلانىسقا شىقپاسا، ول كولىك بويىنشا تولەم شوتى باسقا ادامعا بەرىلەدى.

كولىكتى الۋ تولەم شوتى مەن بانكتەگى پروتسەستەن عانا تۇرمايدى.

«اۆتوتسونعا» بارىپ كولىكتى تىركەۋ قاجەت. بۇل ءار جەكە تۇلعانىڭ قۇجاتتاردىڭ ءبارىن قانشالىقتى جىلدام جيناپ، راسىمدەگەنىنە بايلانىستى.

«ونەركاسىپتى دامىتۋ قورى» ا ق باسقارما باسشىسى عالىمجان ءاديدىڭ ايتۋىنشا، ءار بانك ءوزىنىڭ دەربەس اۆتوماتتاندىرىلعان كەزەك جۇيەسىن بەلگىلەيدى.

«نەسيەگە ماقۇلداۋ العان ازاماتتاردىڭ اتى-ءجونى سول كەزەككە تۇسەدى. وسى ازاماتتار سول تىزىمنەن ءوز ءوتىنىمىنىڭ مارتەبەسىن باقىلاپ وتىرادى»، - دەدى قوردىڭ باسشىسى.

4 پايىزدىق اۆتونەسيەنى كىمدەر الۋعا قۇقىلى؟

«قازاقستان اۆتوبيزنەس» قاۋىمداستىعىنىڭ ۆيتسە-پرەزيدەنتى انار ماقاشيەۆانىڭ مالىمەتى بويىنشا، 4 پايىزدىق نەسيەنى قازاقستان رەسپۋبليكاسىنىڭ ازاماتتارى عانا الا الادى. ەكىنشى دەڭگەيلى بانكتەر تۇتىنۋشىنىڭ نەسيە تاريحى مەن تولەم قابىلەتىن تەكسەرگەننەن كەيىن ءوتىنىمدى ماقۇلداۋ نە باس تارتۋ تۋرالى شەشىم شىعارادى. ال شەتەل ازاماتتارى بۇل نەسيەدەن ۇمىتتەنە المايدى.

ءبىرىنشى كەزەكتە كىمدەر نەسيە الادى؟

«ءبىرىنشى كەزەكتە اۆتوسالوندا بار كولىك بويىنشا ءوتىنىم بەرگەن ادامدار پايىزدىق اۆتونەسيە راسىمدەي الادى. ياعني، ءبىرىنشى كەزەكتە دەپ باسىمدىق بەرىلەتىن بەلگىلى ءبىر سانات بولمايدى. ءبارى كەزەك نەگىزىندە رەتتەلەدى»، - دەدى «ونەركاسىپتى دامىتۋ قورى» ا ق باسقارما باسشىسى عالىمجان ءادي.

4 پايىزدىق نەسيەگە بانكتە نەگە ۇستەمە پايىز قوسىلادى؟

ونەركاسىپتى دامىتۋ قورىنىڭ باسقارما ءتوراعاسىنىڭ ورىنباسارى رينات گاپپاروۆ 4 پايىزدىق سىياقى مولشەرلەمەسىنىڭ ۇستىنە قوسىلاتىن پايىزدىق ۇستەمەلەر ءار بانكتە ءار ءتۇرلى بولۋى مۇمكىن ەكەنىن ايتتى.

«جەڭىلدەتىلگەن اۆتونەسيە بويىنشا عانا ەمەس، بۇكىل نەسيەلەر بويىنشا سىياقى مولشەرلەمەسىنەن بولەك جىلدىق ءتيىمدى سىياقى مولشەرلەمەسى بار. نەسيەنىڭ پايىزى وسى تۇرعىدان وسەدى. ال ۇكىمەت بەلگىلەگەن 4 پايىز سىياقى مولشەرلەمەسى وسپەيدى. ءيا، قوسىمشا كوميسسيالار مەن ساقتاندىرۋ شىعىنى بار. سىياقى ۇكىمەت قاۋلىسى بويىنشا جەكە تولەنەدى. سوندىقتان نەسيە قىمباتتاپ وتىر. ال ساقتاندىرۋسىز نەسيە الا المايسىز»، - دەپ ءتۇسىندىردى رينات گاپپاروۆ.

بۇل نەسيە زەينەتكەرلەرگە بەرىلە مە؟

«بۇگىندە زەينەتكەرلەر بويىنشا ايتساق، زەينەت جاسىنىڭ اياسىندا بەلگىلى ءبىر كەزەڭ بار جانە كرەديتتەۋ نەسيە بەرۋ زەينەت جاسىنا دەيىن عانا كوزدەلەدى»، - دەدى «سەنتركرەديت» بانكىنىڭ وكىلى گۇلجاھان حاميتوۆا

كولىك ۇناماي قالسا، وتىنىمدەگى VIN- كودتى وزگەرتۋگە بولا ما؟

«اۆتونەسيە العىسى كەلەتىن تۇتىنۋشىلارعا مىنا مالىمەتتى جەتكىزۋ ماڭىزدى. اۆتوسالوندا بار كولىككە ءوتىنىم بەرىپ، سول بويىنشا نەسيەنى جىلدام الا قويۋ مۇمكىن ەمەس. باعدارلاما شارتى بويىنشا، كەزەكتە كورسەتىلگەن كولىكتىڭ ماركاسى مەن مودەلىن وزگەرتۋگە بولمايدى. تۇتىنۋشى VIN- كودى بار تولەم شوتىن الىپ قويعان بولسا، باسقا كولىككە اۋىستىرا المايدى. اينىپ قالسا، باسقا كولىك الۋ ءۇشىن قايتادان باسىنان باستاپ كەزەككە تۇرۋ كەرەك بولادى»، - دەدى قوردىڭ وكىلى.

سونداي-اق، ول كەزەكتىڭ يەسىن دە وزگەرتۋ مۇمكىن ەمەس ەكەنىن ەسكەرتتى.

«ناقتى ءبىر ادامنىڭ اتىنا جازىلعان تولەم شوتىن باسقا ادامعا بەرۋگە رۇقسات جوق. ياعني تولەم شوتىنداعى جەكە تۇلعانىڭ اتى-ءجونىن ورگەرتۋگە بولمايدى. سوندا تولەم شوتىندا كورسەتىلگەن كولىكتىڭ ءتۇرىن دە، ادامنىڭ اتىن دا وزگەرتۋ مۇمكىن ەمەس»، - دەدى رينات گاپپاروۆ.

Joǵary qaraı