Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

قاڭتار تراگەدياسى: باس پروكۋراتۋرا تەرگەۋ كەزىندە كۇش قولدانۋ دەرەكتەرىن اپتا سايىن جاريالاپ تۇرادى

2022 jyldyń 27 qańtar 2022 20:57

نۇر-سۇلتان. قازاقپارات - باس پروكۋراتۋرا پروتسەسسۋالدىق ءىس جۇرگىزۋ كەزىندە كۇش قولدانۋ فاكتىلەرى بويىنشا جۇرگىزىلەتىن تەكسەرۋلەردىڭ ناتيجەسىن اپتا سايىن جاريالاپ تۇرادى.

ادام قۇقىقتارى جونىندەگى ۋاكىل ەلۆيرا ءازىموۆا قۇزىرلى ورگانمەن وسىنداي كەلىسىمگە كەلگەنىن ايتتى، دەپ حابارلايدى قازاقپارات ءتىلشىسى.

«25- قاڭتاردا باس پروكۋراتۋرا وكىلدەرى پروكۋراتۋرا ورگاندارىنا قۇقىق قورعاۋ ورگاندارىنىڭ تەرگەۋ بارىسىندا زاڭسىز تەرگەپ-تەكسەرۋ ادىستەرى مەن ازاماتتاردىڭ قۇقىقتارىن بۇزۋىنا قاتىستى 109 ارىز-شاعىم تۇسكەنىن حابارلادى. تەكسەرۋ ناتيجەسىندە 21 قىلمىستىق ءىس قوزعالدى. ونىڭ ىشىندە تەك بىرەۋىن ارنايى پروكۋرورلار، قالعان 20 سىن سىبايلاس جەمقورلىققا قارسى قىزمەتكەرلەر تەرگەپ جاتىر. ارىزدانۋشىلاردى قايتا جابىرلەۋگە جول بەرمەۋ ءۇشىن بارىنشا شارالار قابىلداۋ قاجەت. قىلمىستىق ىستەردىڭ ءبىرى مەنىڭ اتىما كەلىپ تۇسكەن ارىزداردىڭ نەگىزىندە قىلمىستىق كودەكستىڭ 145-بابى بويىنشا قوزعالعان»، - دەدى ول «حابار-24» تەلەارناسىندا وتكەن بريفينگىدە.

سونداي-اق، ەلۆيرا ءازىموۆا پروتسەسسۋالدىق ءىس جۇرگىزۋ بارىسىندا كۇش قولدانۋ فاكتىلەرى تۋرالى باسقا شاعىمدار دا تەكسەرىلەتىنىن جەتكىزدى.

«باس پروكۋراتۋرامەن ولاردىڭ ناتيجەلەرىن اپتا سايىن جاريالاپ تۇرۋ تۋرالى كەلىسىمگە كەلدىك»، - دەدى ادام قۇقىقتارى جونىندەگى ۋاكىل.

Joǵary qaraı