Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

توقايەۆ قازاقستان ينۆەستيتسيا تارتۋعا مۇددەلى سالالاردى اتادى

2022 jyldyń 27 qańtar 2022 20:13

نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ ەلىمىز ينۆەستيتسيا تارتۋعا مۇددەلى سالالاردى اتادى، دەپ حابارلايدى قازاقپارات ءتىلشىسى.

«ءبىزدىڭ مەملەكەتتى دامىتۋدىڭ باستى فاكتورلارىنىڭ ءبىرى - ءوزارا ينۆەستيتسيا كولەمىن ارتتىرۋ. قازاقستان الداعى ۋاقىتتا دا بارلىق ينۆەستيتسيالىق مىندەتتەمەلەرىن مۇلتىكسىز ءارى تولىق كولەمدە ورىنداي بەرەتىندىگىن ەرەكشە اتاپ وتكىم كەلەدى. جالپى، «جاڭا قازاقستان» تۇجىرىمداماسىنا نەگىز بولعان ينۆەستيتسيالىق احۋالدى جاقسارتۋ ءبىزدىڭ ەكونوميكالىق ساياساتىمىزدىڭ قۇرامداسىنىڭ ءبىرى سانالادى»، - دەپ اتاپ ءوتتى قاسىم-جومارت توقايەۆ «ءۇندىستان - ورتالىق ازيا» سامميتى بارىسىندا.

مەملەكەت باسشىسى قازاقستان تاۋ-كەن مەتاللۋرگيا كەشەنى، اۋىل شارۋاشىلىعى، جاسىل ەنەرگەتيكا، دەنساۋلىق ساقتاۋ، فارماتسيەۆتيكا سەكتورى سىندى كەلەشەگى بار باعىتتارعا ينۆەستيتسيا تارتۋعا مۇددەلىك تانىتاتىندىعىن باسا ايتتى.

«بىرلەسكەن جوبالاردى جۇزەگە اسىرۋ ءۇشىن سەرىكتەستەرىمىزگە ءوزىن جاقسى قىرىنان كورسەتە بىلگەن «استانا» حالىقارالىق قارجى ورتالىعى پلاتفورماسىن ۇسىنۋعا دايىنبىز. اتالعان ورتالىق اعىلشىن قۇقىعى نەگىزدە جۇمىس ىستەيدى جانە الەمدىك ستاندارتتارعا جاۋاپ بەرەدى»، - دەدى ق ر پرەزيدەنتى.

Joǵary qaraı