Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ساۋساقتىڭ ىزىنە ۇقسايتىن ارال

2022 jyldyń 20 qańtar 2022 22:28

نۇر-سۇلتان. قازاقپارات - حورۆاتيا جيەگىندەگى ادريات تەڭىزىندە ورنالاسقان كىشكەنتاي ارالعا جوعارىدان قاراساڭىز، ول ساۋساق ىزىنە قاتتى ۇقسايدى.




Balenats — saýsaqtyń izine uqsaıtyn aral

ونداعى 23 ك م تاس قابىرعالار ارالعا وسىنداي ءتۇر سىيلاپ تۇر. بۇل قابىرعالاردى كىم جانە نە ءۇشىن سالعان؟

ارالدىڭ ەرەكشە بەدەرى ادام قولىمەن جاسالعانى بىردەن كورىنەدى. جاقىننان قاراسا، تاستاردى ءبىرىنىڭ ۇستىنە ءبىرىن قويعانىن بايقاۋعا بولادى. قابىرعالار لابيرينتكە ۇقسايدى جانە سۋعا دەيىن جەتەدى. بالەناتس ارالىنداعى بۇل قابىرعالار XIX عاسىردا سالىنعان.

بالەناتس ارالى كوپتەگەن تاستى ارالداردان تۇراتىن شيبەنيك ارحيپەلاگىنا جاتادى. بۇل ارالدارداعى توپىراق ەگىن شارۋاشىلىعىنا كەلە بەرمەيدى. بالەناتستىڭ قاسىندا ادامدار تۇراتىن كاپريە ارالى بار. ونداعى ادامدار كورشى (ادام تۇرمايتىن) ارالدى وزدەرىنە قاجەتتى نارسەلەردى وسىرۋگە پايدالانعان.

بالەناتس قابىرعالارى كوشەتتەردى تەڭىزدىڭ قاتتى جەلىنەن قورعاۋ ءۇشىن سالىنعان. سەبەبى تەڭىز جەلى وسىمدىكتەردى تامىرىمەن جۇلىپ الاتىن بولعان. مۇنداي قابىرعالار كاپريە جانە زۋت ارالدارىندا دا بار، ءبىراق ونداعى قۇرىلىس وسى ارالداعىداي تىعىز بولماعاندىقتان، بىردەن كوزگە تۇسە قويمايدى.

عالىمداردىڭ ويىنشا، ارال تۇرعىندارى وزدەرىنىڭ جەر ۇلەستەرىن ءارقاشان قورشايتىن بولعان. XIX عاسىرداعى قابىرعالار XVI- XVII عاسىرلارعا جاتاتىن باسقالارىنىڭ ۇستىنەن سالىنعان. بۇل كەزدەرى كاپريە مەن بالەناتس وسمان شاپقىنشىلارىنان قاشقان حريستياندارعا باسپانا بولعان.

ەگىنشىلىكتىڭ مۇنداي تەحنيكاسىن تەك شيبەنيك ارحيپەلاگىنداعى تۇرعىندار قولدانباعان. ەگىستىكتەگى وسىنداي قابىرعالاردى انگليادان، شوتلانديادان جانە يرلانديادان بايقاۋعا بولادى. ءبىراق تەك بالەناتستاعى قۇرىلىس قانا وسىنداي بيىك بولعاندىقتان، ساۋساق بەدەرىنە ۇقسايدى.

ارالدىڭ سۋرەتى ينتەرنەتتە پايدا بولعانعا دەيىن ونى كوپ ادام بىلمەيتىن. قازىر بالەناتستا تۋريستەرگە ۇيىمداستىرىلعان ەكسكۋرسيا بار. ارالدى جوعارىدان اۋادان قاراۋ سۇرانىسقا يە، ءبىراق كەي تاريحتى باعالاۋشىلار قۇرلىققا دا تۇسەدى.

ارالدىڭ تانىمالدىلىعى حورۆاتيا ءۇشىن ءتيىمدى. دەگەنمەن كورنەكى جەرگە دەگەن اسا قىزىعۋشىلىق وعان زيانىن دا كەلتىرىپ جاتىر. قوناقتاردىڭ اياعى تيگەن تاس قالاۋ جىلدام بۇزىلىپ جاتىر. عالىمدار تاس قابىرعالار جوعالىپ كەتۋى مۇمكىن دەپ قورقادى.

جاقىندا حورۆاتيا ۇكىمەتى يۋنەسكوعا ارالدى دۇنيەجۇزىلىك مۇرا وبەكتى ەتىپ مويىنداۋعا ءوتىنىش ءبىلدىردى. بۇل ونى ءتيىمدى قورعاۋعا مۇمكىندىك بەرەدى.

massaget.kz

Basty sózder: الةم,
Joǵary qaraı