Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

مەملەكەتكە ساتقىندىق جاسادى دەپ ايىپتالعان پەتر پوروشەنكو ۋكرايناعا ۇشىپ كەلدى

2022 jyldyń 18 qańtar 2022 14:02

نۇر- سۇلتان. قازاقپارات - ۋكراينانىڭ بۇرىنعى پرەزيدەنتى پەتر پوروشەنكو ۋكرايناعا ۇشىپ كەلدى. 17- قاڭتاردا وپپوزيتسيالىق ساياساتكەر وتىرعان ۇشاق ۆارشاۆادان كيەۆتىڭ جۋليانى اۋەجايىنا قوندى.

كەدەندىك باقىلاۋ قىزمەتى پوروشەنكونىڭ ءتولقۇجاتىن الىپ قويعان. ءبىراق كوپشىلىكتىڭ نارازىلىعىنان كەيىن ساياساتكەردى جانە بىرگە كەلگەندەردى شەكارادان وتكىزدى.

ۋكراينانىڭ بەسىنشى پرەزيدەنتى بولعان پوروشەنكو بىلتىر «مەملەكەتكە وپاسىزدىق جاساۋ» بابى بويىنشا كۇدىككە ىلىنگەن. قىلمىستىڭ بۇل تۇرىنە مۇلىكتى تاركىلەۋ جانە 15 جىلعا دەيىن باس بوستاندىعىنان ايىرۋ جازاسى قاراستىرىلعان. كيەۆكە ۆارشاۆادان ۇشىپ كەلگەن ەكس- پرەزيدەنتتى اۋەجايدا قۇقىق قورعاۋشىلار تۇتقىنعا العان جوق. پوروشەنكونى 4 مىڭعا جۋىق جاقتاسى كۇتىپ الدى. پەتر پوروشەنكونى ۋكراينادا مىڭداعان جاقتاسى كۇتىپ الدى، ولار «پوروشەنكو ءبىز بىرگەمىز»، - دەپ ۇرانداتتى.

اتاپ ءوتۋ كەرەك، ۋكراينانىڭ مەملەكەتتىك تەرگەۋ بيۋروسى مەن قاۋىپسىزدىك قىزمەتى پەتر پوروشەنكو مەملەكەتكە وپاسىزدىق جاسادى جانە دونباسس وڭىرىندەگى لاڭكەستىك ۇيىمداردىڭ قىزمەتىنە كومەكتەستى دەپ كۇدىكتەنىپ وتىر. دەي تۇرعانمەن، ۆارشاۆادان كييەۆكە تاڭعى توعىزدا ۇشىپ كەلگەن ەكس- پرەزيدەنت ءارى ءىرى كاسىپكەردى قۇقىق قورعاۋشىلار ۇستاعان جوق.

الەكسەي بەبەل، ادۆوكات، حالىقارالىق زاڭگەر:

- سوتتىڭ شەشىمى بولا تۇرىپ، قۇقىق قورعاۋشىلار اۋەجايدا ونى تۇتقىنداعان جوق. مۇنى مەملەكەت تاراپىنان جاسالعان وڭ شەشىم دەپ باعالايمىن. ويتكەنى مىڭداعان ادام ونى بۇگىن كيەۆتە قارسى الدى. مۇنىڭ ۇستىنە پوروشەنكو ءوز ەركىمەن ەلگە ورالدى جانە سوت عانا ساياساتكەرگە قاتىستى ۇكىم شىعارا الادى.

بولجام بويىنشا - ونى تۇرمەگە وتىرعىزبايدى، تەك ءۇيقاماققا الۋى مۇمكىن. ۇلكەن كەپىلدىك تولەپ، تەرگەۋ باستالعانشا بوستاندىقتا قالاتىن شىعار. ساراپشىلار پوروشەنكونىڭ ەلگە ورالۋىن كەزەكتى ساياسي داعدارىستىڭ باستالعانىمەن بايلانىستىرادى. دەي تۇرعانمەن، مەملەكەت تاراپىنان زاڭگەرلەر پوروشەنكوعا قاتىستى تاعىلعان ايىپتاۋلار «وتە ءالسىز» دەگەن پىكىردە.

الەكسەي بەبەل، ادۆوكات، حالىقارالىق زاڭگەر:

- ونىڭ كىناسىن دالەلدەۋ ءۇشىن كوپ جۇمىس اتقارىلۋى ءتيىس. قۇجاتتار مەن اۋديو جازبالاردىڭ جالعان ەمەستىگى پروتسەسسۋالدىق جولمەن جينالۋى ءتيىس. ياعني پوروشەنكونىڭ قىلمىسى ناقتى ايعاقتارمەن سوتتا دالەلدەنۋى ءتيىس.

پوروشەنكو ءبىر اي بۇرىن 17- جەلتوقساندا كييەۆتەن ىستامبۇلعا ۇشىپ كەتكەن بولاتىن. ۋكراينانىڭ مەملەكەتتىك تەرگەۋ بيۋروسى وپپوزيتسيونەرگە سوتقا شاقىرۋ قاعازىن بەرمەك بولعان، ءبىراق پوروشەنكو تەرگەۋشىلەردى ەلەمەي، قۇجاتتى قابىلدامادى. بۇگىن تاڭەرتەڭ ەلگە ورالعان پەتر پوروشەنكو ۋكراينانى ارالاپ، جۇرتپەن كەزدەسەتىنىن مالىمدەدى جانە وزىنە تاعىلعان ايىپپەن كەلىسپەيتىنىن ايتتى.

www.24.kz

Basty sózder: الةم,
Joǵary qaraı