Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ەلوردادا كوروناۆيرۋس جۇكتى ايەلدەر مەن بالالار اراسىندا جيىلەي ءتۇستى

2022 jyldyń 12 qańtar 2022 21:30

نۇر-سۇلتان. قازاقپارات - نۇر-سۇلتان قالاسىندا جۇكتى ايەلدەر مەن بالالار اراسىندا COVID-19 عا شالدىعۋ ءجيى بايقالۋدا.

بۇل تۋرالى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا اكىمدىكتە ونلاين وتكەن باسپا ءسوز ءماسليحاتىندا مالىمدەدى، دەپ حابارلايدى قازاقپارات ءتىلشىسى.

«بۇگىندە ينفەكسيالىق ستاتسيوناردا 748 پاتسيەنت ەم الىپ جاتىر. ونداعى توسەك-ورىننىڭ 60 پايىزى بوس ەمەس. قاڭتاردىڭ باسىندا كۇنىنە ينفەكسيالىق ستاتسيونارعا كۇنىنە 18 ادام تۇسسە، سوڭعى تاۋلىكتە ونىڭ سانى 215 كە جەتتى. ال رەانيماتسيادا 34 ادام جاتىر. ەلورداداعى ەپيدجاعدايدىڭ ناشارلاي تۇسۋىنە بايلانىستى 4 قالالىق اۋرۋحانادا قوسىمشا توسەك-ورىن ازىرلەندى. ونىڭ ىشىندە اكۋشەرلىك بولىمشەلەردە كوروناۆيرۋسقا شالدىققان جۇكتى ايەلدەر ءۇشىن 150 توسەك-ورىن دايىندالدى»، - دەدى ءا. رۇستەموۆا.

ونىڭ ايتۋىنشا، قازىر قالادا جاڭادان 1240 توسەك-ورىن قايتا شىعارىلدى.

«جاعداي اسىرەسە جۇكتى ايەلدەر مەن بالالار اراسىندا ۋشىعىپ تۇر. قازىرگى ۋاقىتتا 338 جۇكتى ايەل ك ۆ ي- گە شالدىعىپ وتىر. ولاردىڭ 215 ءى ستاتسيوناردا ەمدەلىپ جاتىر. سونداي-اق، ستاتسيونار جاعدايىندا 126 بالا اتالعان ىندەت تۇرىنەن ەم الىپ جاتىر. وكىنىشكە قاراي، كوپ تۇرعىندار ىندەت شتامىنىڭ جاڭا تۇرىنە اسا ءمان بەرىپ جاتقان جوق. سايكەسىنشە ساقتىق شارالارىنىڭ ورىندالماۋى ىندەتتىڭ ورشۋىنە الىپ كەلىپ وتىر»، - دەيدى ول.

Basty sózder: استانا,
Joǵary qaraı