Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ەفيوپيادا پىلدەر قىرىلىپ جاتىر

2021 jyldyń 30 qarasha 2021 10:04

نۇر- سۇلتان. قازاقپارات - ەكولوگتار بابيلە قورىعىنداعى پىلدەر سانىنىڭ كۇرت ازايۋىن 2006-2017 -جىلدارى ونىڭ اۋماعىنداعى زاڭسىز قونىستار سانىنىڭ ءۇش ەسە وسۋىمەن بايلانىستىرادى.

بۇل تۋرالى سەيسەنبى كۇنى وكسفورد ۋنيۆەرسيتەتىنىڭ ( ۇلى بريتانيا) باسپا ءسوز قىزمەتى Oryx جۋرنالىنداعى ماقالاعا سىلتەمە جاساپ حابارلادى.

«بابيلە قورىعىندا جاعداي قيىن. قازىر ونىڭ اۋماعىندا 250 ءپىل بار. ەگەر ادامنىڭ ولاردىڭ مەكەندەۋ ورتاسىنا ەنۋىنە بايلانىستى پروبلەمالار جاقىن ارادا شەشىلمەسە، قورىق اۋماعىندا بىردە- ءبىر ءپىل قالمايدى، - دەگەن وكسفورد ۋنيۆەرسيتەتىنىڭ زەرتتەۋشىسى ەميلي ءنيلدىڭ سوزدەرىن كەلتىرگەن ۋنيۆەرسيتەتتىڭ باسپا ءسوز قىزمەتى.

افريكا پىلدەرى (Loxodonta africana) سوڭعى 75 جىلدا التى- جەتى ەسە ازايدى.

ايتا كەتسەك، 1989 -جىلى جابايى فاۋنا مەن فلورا تۇرلەرىنىڭ حالىقارالىق ساۋداسى تۋرالى كونۆەنتسياعا (CITES) قاتىسۋشى ەلدەر براكونەرلەرگە قارسى كۇرەستى باستادى. وسى عاسىردىڭ باسىندا بۇل شارالار پىلدەردىڭ پوپۋلياتسياسىن تۇراقتاندىردى، ءبىراق سوڭعى جىلدارى ازيادا ءپىل سۇيەگىنە سۇرانىستىڭ ارتۋىنا بايلانىستى ولاردىڭ سانى قايتادان كۇرت ازايا باستادى.

Basty sózder: الةم,
Joǵary qaraı