Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

وزبەكستان تاريحىندا العاش رەت سوتتالعاندار پرەزيدەنت سايلاۋىنا قاتىستى

2021 jyldyń 25 qazan 2021 13:56

نۇر -سۇلتان. قازاقپارات - وزبەكستاندا وتكەن پرەزيدەنتتىك سايلاۋدىڭ العاشقى قورىتىندىسى بۇگىن تۇستەن كەيىن جاريالانادى.

بۇل جونىندە كورشى ەلدىڭ ورتالىق سايلاۋ كوميسسياسىنىڭ ءتوراعاسى مالىمدەدى. جالپى كەشە وتكەن ساياسي ناۋقاندا 16 ميلليوننان استام سايلاۋشى كونستيتۋتسيالىق قۇقىعىن پايدالانعان.

بۇل - بارلىق داۋىس بەرۋشىنىڭ شامامەن 80,8 پروتسەنتى. بۇگىن بۇلاردىڭ قاتارىنا ا ق ش-تا جۇرگەن وزبەكستان ازاماتتارى دا قوسىلادى. مۇحيتتىڭ ارعى جاعىنداعى سايلاۋ ۋچاسكەلەرى ەڭ سوڭعى بولىپ جابىلدى. جالپى ورتالىق سايلاۋ كوميسسياسىنىڭ مالىمەتىنشە وزبەكستانداعى سايلاۋ دەموكراتيالىق تالاپتارعا ساي ءوتتى. ساياسي ناۋقانعا دەگەن قىزىعۋشىلىق جوعارى بولدى.

زاينيددين نيزامحودجايەۆ، وزبەكستان ورتالىق سايلاۋ كوميسسياسىنىڭ ءتوراعاسى:

- سايلاۋ بارىسىن باقىلاۋ ءۇشىن ۋچاسكەلەرگە 414 كامەرا ورناتىلعان بولاتىن. بۇل ناۋقاننان 1672 ب ا ق وكىلى حابار تاراتتى. تاعى 54 مەملەكەتتەن كەلگەن 1 مىڭعا جۋىق بايقاۋشى داۋىس بەرۋ ءۇردىسىن قاداعالادى. تاعى وزبەكستان تاريحىندا العاش رەت سوتتالعاندار دا ەل پرەزيدەنتىن تاڭداۋ مۇمكىندىگىنە يە بولدى.


Basty sózder: الةم,
Joǵary qaraı