Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

سوڭعى بەس جىلدا بەيجىڭدەگى اۋا ساپاسى ەداۋىر جاقسارعان

2021 jyldyń 25 qazan 2021 11:55

نۇر -سۇلتان. قازاقپارات - قىتاي بيلىگىنىڭ مالىمەتىنشە، سوڭعى 5 جىلدا بەيجىڭدەگى اۋا ساپاسى ەداۋىر جاقساردى.

ەگەر 2015 -جىلى اۋاداعى ۇساق شاشىراڭقى بولشەكتەردىڭ شوعىرلانۋى تەكشە مەترىنە 80 ميكروگرامم بولسا، 2020 -جىلى بۇل كورسەتكىش 38 گە تۇسكەن. دەسە دە بۇل دۇنيەجۇزىلىك دەنساۋلىق ساقتاۋ ۇيىمى بەلگىلەنگەن نورمادان ءالى دە جوعارى.

بەيجىڭدە پاندەمياعا دەيىن دە بەتپەردەگە سۇرانىس جوعارى بولاتىن. وعان اۋا ساپاسىنىڭ ءجيى بۇزىلۋى سەبەپ. تۇرعىندار كۇندە تاڭەرتەڭ الدىمەن ارنايى قوسىمشانى قارايدى. ەگەر ونداعى كورسەتكىش 100 بىرلىكتەن جوعارى بولسا بالالارىمەن سەرۋەندەۋگە شىقپايدى.

ال شاھار بيلىگى اۋانىڭ لاستانۋىمەن كۇرەستى 2013 -جىلدان باستاپ مىقتاپ قولعا الدى. ءبىراق جاعداي تەك كەيىنگى ەكى جىلدا جاقساردى. رەسمي دەرەككە قاراعاندا، 2015 -جىلى 40 كۇن بويى اسپان قويۋ ءتۇتىن قۇشاعىندا بولسا، بىلتىر شاھار كوگىن ءتۇتىن 10 كۇن عانا تۇمشالاپتى.

بەيجىڭ اۋاسىن بىرنەشە باعىت بويىنشا تازارتۋ قولعا الىندى. لاس زاۋىتتار جابىلىپ، كەيبىرى وزگە جەرلەرگە كوشىرىلدى.

ەسكى كولىكتەردى پايدالانۋ ازايىپ، كولىك قوزعالىسىن ءنومىر بويىنشا شەكتەۋ ەنگىزىلدى. اۋا ساپاسى ناشارلاپ بارا جاتسا، قۇرىلىس جۇمىستارى مەن ءوندىرىس وشاقتارى توقتاتىلادى. كورشى پروۆينسيادا ەلەكتر ەنەرگياسىن كۇن مەن جەلدەن وندىرەتىن ستانتسيالار ىسكە قوسىلدى.

يان جە، ينجەنەر:

- ءبىز جىل سايىن كۇن مەن جەل ارقىلى بەيجىڭگە كولەمى ساعاتىنا 14 ميلليارد كيلوۆاتت بولاتىن ەلەكتر ەنەرگياسىن تاسىمالدايمىز. كەلەسى جىلى وتەتىن قىسقى وليمپيادا ويىندارى نىساندارىن 100 پايىز تازا ەنەرگيامەن قامتاماسىز ەتىپ جاتىرمىز. ارتىق ەنەرگيانى ساقتايتىن ارنايى قۋات ورنى بار.

بەيجىڭدە جىلىتۋ ماۋسىمى ءالى باستالعان جوق. ادەتتە مۇندا جىلۋ قاراشا ايىندا بەرىلەدى. قىستا اۋا ساپاسى ءجيى ناشارلايدى. ءبىراق بيىل قالا تۇرعىندارىنىڭ ساياباقتاردا سەرۋەندەۋى جيىلەگەن.


24.kz

Basty sózder: الةم,
Joǵary qaraı