Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

اسحات ايماعامبەتوۆ: تۇركىستاندا وقۋشى كوز جۇمعان مەكتەپتى تەكسەردىك

2021 jyldyń 21 qazan 2021 18:43

نۇر- سۇلتان. قازاقپارات - ەلىمىزدىڭ ءبىلىم جانە عىلىم ءمينيسترى اسحات ايماعامبەتوۆ تۇركىستاندا مەكتەپ دارەتحاناسىنداعى توبەلەستەن كەيىن 5-سىنىپ وقۋشىسىنىڭ كوز جۇمعانى تۋرالى وقيعاعا قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.

«اتالعان وقيعا تۋرالى ەستي سالا بالالار قۇقىعىن قورعاۋ كوميتەتىنىڭ باسشىسى مەن مەنىڭ كەڭەسشىم تۇركىستان وبلىسىنا اتتاندى. جاعدايمەن تانىسىپ، تالداۋ جاسالدى. قازىر ۋاقىتتا اتالعان فاكت بويىنشا سوت- مەديتسينالىق ساراپتاما جاسالىپ، تەرگەۋ جۇمىستارى ءجۇرىپ جاتىر. تەرگەۋ قورىتىندىسى ءازىر بولعان سوڭ ءتيىستى شارا قابىلدانادى. ارينە، وتە اۋىر قايعى. جالپى اتالعان وڭىردە وسى سەكىلدى فاكتىلەر بارىن جاسىرماۋ كەرەك. تەرگەۋ ءىسى اياقتالماي جاتىپ بولجام جاساۋعا ەرتە ءارى دۇرىس ەمەس. ويتكەنى بولعان ءىستى تەرگەۋ قۇقىق قورعاۋ ورگاندارىنا تيەسىلى. ءبىز اتالعان مەكتەپتىڭ تەك تاربيە جانە ءبىلىم بەرۋ پروتسەسىن عانا تەكسەردىك جانە وندا كەمشىلىكتىڭ بارىن بايقادىق»، - دەدى اسحات ايماعامبەتوۆ و ك ق- دە وتكەن باسپا ءسوز ءماسليحاتىندا.

ەسكە سالا كەتسەك، وتكەن اپتادا بۇقارالىق اقپارات قۇرالدارىندا تۇركىستاندا مەكتەپ دارەتحاناسىنداعى توبەلەستەن كەيىن 5-سىنىپ وقۋشىسىنىڭ كوز جۇمعانى تۋرالى حابار تارادى. ءوز كەزەگىندە وبلىستىڭ دەنساۋلىق ساقتاۋ باسقارماسىنىڭ باسپا ءسوز قىزمەتى بالانىڭ جاعدايى وتە اۋىر بولعانىن راستاپ، ال وبلىستىق پوليتسيا دەپارتامەنتى تەكسەرۋ جۇرگىزىلىپ جاتقانىن حابارلادى.

اۆتور: ءالي يبرايەۆ

Basty sózder: ايماق,
Joǵary qaraı