Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

دەمالىس كۇندەرى قار جاۋادى - قازگيدرومەت

2021 jyldyń 25 qyrkúıek 2021 17:17

نۇر-سۇلتان. قازاقپارات - قازگيدرومەت 25-27- قىركۇيەك كۇندەرگە ارنالعان اۋا رايى بولجامىن جاريالادى، دەپ حابارلايدى قازاقپارات.

دەمالىس كۇندەرى رەسپۋبليكانىڭ باسىم بولىگىندە تۇراقسىز اۋا رايى كۇتىلەدى.

بۇعان ەكى تسيكلوننىڭ (سولتۇستىك-باتىس جانە وڭتۇستىك) بىرىگۋى ىقپال ەتەدى.

سولتۇستىك اۋماقتا جانە شىعىستا جاڭبىردىڭ ارتى قارعا ۇلاسادى. جەل كۇشەيىپ، تۇندە جانە تاڭەرتەڭ تۇمان كۇتىلەدى.

«رەسپۋبليكانىڭ باتىسىندا اۋا تەمپەراتۋراسى تۇندە 7-15 ارالىعىندا بولسا، كۇندىز 15-25 تەن 10-20 گرادۋسقا دەيىن تومەندەيدى.

سولتۇستىك- باتىستا تۇندە مينۋس 3 +5 گرادۋستان پليۋس 3-11 گرادۋسقا دەيىن جىلىنسا، كۇندىز كەرىسىنشە +13-23 تەن 3-13+ گرادۋسقا دەيىن سالقىندايدى.

ەلدىڭ سولتۇستىگىندە جانە ورتالىعىندا تۇندە تەرمومەتر 2-7 گرادۋسقا تومەندەيدى.

ال رەسپۋبليكانىڭ شىعىسىندا 5 گرادۋس ۇسىك ءجۇرىپ، كۇندىز 7-17 گرادۋس جىلى بولادى. وڭتۇستىكتە جانە وڭتۇستىك-شىعىستا اۋا تەمپەراتۋراسى كۇندىز 18-25 گرادۋسقا دەيىن جوعارىلايدى»، - دەلىنگەن حابارلامادا.

Basty sózder: ايماق,
Joǵary qaraı