Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

قىزىلوردادا كەتە جۇسىپكە ارنالعان جىراۋلار بايقاۋى ءوتتى

2021 jyldyń 25 qyrkúıek 2021 10:57

قىزىلوردا. قازاقپارات - قىزىلوردادا سىر سۇلەيى كەتە ءجۇسىپ ەشنياز ۇلىنىڭ 150 جىلدىعىنا ارنالعان «جىرلانسىن، تاۋەلسىزدىك جىر بۇلاعى» اتتى رەسپۋبليكالىق جىرشى-جىراۋلار بايقاۋى مارەسىنە جەتتى، دەپ حابارلايدى قازاقپارات ءتىلشىسى.

اتالعان بايقاۋ ەل تاۋەلسىزدىگىنىڭ 30 جىلدىق مەرەيتويى اياسىندا ن. بەكەجانوۆ اتىنداعى وبلىستىق مۋزىكالىق دراما تەاترىندا بولىپ ءوتتى.

بايقاۋدىڭ اشىلۋ راسىمىندە وبلىس اكىمى گۇلشارا ءابدىقالىقوۆا كوپشىلىكتى ەل تاۋەلسىزدىگىنىڭ 30 جىلدىعىمەن قۇتتىقتاپ، دوداعا قاتىسۋشى جىرشىلارعا ساتتىلىك تىلەدى.

«ءبىزدىڭ ايماقتى وزگەلەر «سىر ەلى - جىر ەلى» دەپ اتايدى. قاسيەتتى ولكەمىز تالاي تۋما تالانتتىڭ بەسىگى بولدى. كوپتەگەن داۋىلپاز سۇلەيلەر شىقتى. ابىز قورقىتتان باستاۋ الاتىن جىراۋلىق ءداستۇردىڭ مەكتەبىن شوراياقتىڭ ومارى، بالقى بازار، قاراساقال ەرىمبەت، كەتە ءجۇسىپ، ءدۇر وڭعار، تۇرماعامبەت، نارتاي، نۇرتۋعاند قالىپتاستىردى. بۇگىنگى رەسپۋبليكالىق ءداستۇرلى ورىنداۋشىلاردىڭ بايقاۋى ارقا مەن باتىستىڭ، جەتىسۋ مەن سىردىڭ دارىندارىن توعىستىرىپ، سىر جەرىندە جىردىڭ جالاۋىن جەلبىرەتكەن كۇن دەسەك قاتەلەسپەيمىز»، - دەدى وبلىس اكىمى.

جىر دوداسىندا بەلگىلى جىراۋ الماس الماتوۆ تورەلىك جاسادى. سونداي قازىلار قۇرامىندا بەلگىلى جىراۋ ەلميرا جاڭابەرگەنوۆا، قۇرمانعازى اتىنداعى قازاق ۇلتتىق كونسەرۆاتورياسىنىڭ اعا وقىتۋشىسى ۇلجان بايبوسىنوۆا، قوعام قايراتكەرى، ونەر جاناشىرى رزاقۇل نۇرتايەۆ، جىرشى-جىراۋ، «مادەنيەت سالاسىنىڭ ۇزدىگى» توسبەلگىسىنىڭ يەگەرى مايرا سارسەنبايەۆا قازىلىق ەتتى.

بايقاۋعا بارلىعى 13 جىر جۇيرىگى قاتىستى. ونەر يەلەرى داڭقتى ونەر يەسى كەتە ءجۇسىپ ەشنياز ۇلىنىڭ مول مۇراسىن ۇلىقتادى.

جىر دوداسىنا اقتوبەلىك دەمەۋباي جولىمبەتوۆ، ماڭعىستاۋلىق امانگەلدى ساڭكىبايەۆ، پاۆلودارلىق بوكەن جىگەر، الماتى قالاسىنان باقىت توعجانوۆا، قىزىلورداىقتار ءادىلحان قۋاڭبايەۆ، بولات بايمۇراتوۆ، سەرىك جاقسىعۇلوۆ، جاقسان جانىبەك، ماليكا الدامجاروۆا قاتىستى. سونداي-اق، ارال اۋدانىنان ايبەك تاڭىربەرگەنوۆ پەن بەكسۇلتان ورىنباسار، شيەلىدەن مۇحامەدالى بەكپەيىسوۆ جانە قارماقشىدان الىشەر مىرزاعاليەۆ كورەرمەنگە ۇلىق ونەردى تاعى ءبىر دارىپتەدى.

سالتاناتتى شارا سوڭىندا وبلىس اكىمىنىڭ ورىنباسارى سەرىك احمەت جىر دوداسىنىڭ جەڭىمپازدارىن قۇتتىقتاپ، جاۋھار ونەردى دارىپتەيتىن بايقاۋدىڭ سىر ەلىندە باستاۋ الۋى رۋحاني ساباقتاستىقتى جالعاپ وتىرعانىن جەتكىزدى.

قازىلار القاسىنىڭ شەشىمىمەن باس جۇلدە ارالدىق جىرشى-جىراۋ ايبەك تاڭىربەرگەنوۆكە تابىستالدى.

باس جۇلدە يەگەرىن وبلىس اكىمىنىڭ ورىنباسارى سەرىك احمەت ماراپاتتادى. بايقاۋدا ءبىرىنشى ورىنعا قىزىلوردالىق سەرىك جاقسىعۇلوۆ يە بولدى.

ال اقتوبەلىك دەمەۋباي جولىمبەتوۆ ەكىنشى ورىن السا، ، پاۆلودارلىق بوكەن جىگەر، قىزىلوردا قالاسىنان جاقسان جانىبەك جانە ارال اۋدانىنان بەكسۇلتان ورىنباسار ۇزدىكتى ۇشتىكتى ءوزارا ءبولىستى.

ال، قالعان 7 قاتىسۋشىعا ىنتالاندىرۋ سىيلىعى بۇيىردى.

ايتا كەتۋ كەرەك، باس جۇلدە يەسىنە 500 مىڭ. تەڭگە تابىستالدى. ال، ءبىرىنشى ورىنعا 300 مىڭ، ەكىنشى ورىنعا 200 مىڭ جانە ءۇشىنشى ورىن يەلەرىنە 100 مىڭ تەڭگەدەن بەرىلدى.

ەسكە سالساق، قىزىلوردا وبلىسىنىڭ اكىمى گۇلشارا ءابدىقالىقوۆا بۇدان بۇرىن قىزىلوردالىق جاستارمەن جۇزدەستى.

Basty sózder: ايماق,
Joǵary qaraı