Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

شەتەلدە العان ۆاكسينا قازاقستاندا جۇمىس ىستەۋگە جارامدى ما؟

2021 jyldyń 23 shilde 2021 22:10

نۇر-سۇلتان. قازاقپارات - وزگە ەلدە ۆاكسينانىڭ باسقا ءتۇرىن العاندار قازاقستان اۋماعىندا، اسىرەسە قىزمەت كورسەتۋ سالاسىندا كەدەرگىسىز جۇمىس ىستەي الا ما؟

ورتالىق كوممۋنيكاتسيالار قىزمەتىندە دەنساۋلىق ساقتاۋ مينيسترلىگىنىڭ وكىلدەرىنە وسىنداي ساۋال قويىلدى، دەپ حابارلايدى قازاقپارات ءتىلشىسى.

بۇل ساۋالعا سانيتارلىق- ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا جاۋاپ بەردى.

«قازاقستان ازاماتى دا، ءبىزدىڭ ەلدىڭ اۋماعىندا جۇمىس ىستەيتىن شەتەلدىك تە شەتەلدە ۆاكسينا العان بولسا، ەكپە العانىن راستايتىن قۇجات كورسەتسە، ۆاكسيناتسيادان وتكەن ادام بولىپ ەسەپتەلەدى. ياعني، وعان قايتالاپ ۆاكسينا الۋدىڭ قاجەتى جوق. ءبىراق مىندەتتى تۇردە ۆاكسيناتسيا كۋرسىنان تولىق وتكەنىن راستايتىن قۇجاتى بولۋ كەرەك»، - دەدى كوميتەت باسشىسى.

وسى شارادا ايجان ەسماعامبەتوۆا ۆاكسيناتسيادان كەيىن ۆيرۋس جۇقتىرعان ناۋقاستاردىڭ قانداي ەكپە ءتۇرىن العانىن تۇسىندىرگەن بولاتىن.

«بۇگىنگى تاڭدا ۆاكسينا العاننان كەيىن كووناۆيرۋسپەن اۋىرۋدىڭ 4765 جاعدايى تىركەلىپ وتىر. ءبىرىنشى كەزەڭنەن كەيىن 2384 جاعداي، ەكىنشى كەزەڭنەن كەيىن 2381 جاعداي بولعان. بۇل جالپى ۆاكسينا العانداردىڭ 0,09 پايىزى عانا.

«سپۋتنيك V» ۆاكسيناسىنىڭ ءبىرىنشى كومپونەنتىمەن 2048، ەكىنشى كومپونەنتىمەن 2101 جاعداي (0,09 پايىز)، Hayat-Vax - 246 جانە 221 (0,09 پايىز)، CoronaVac - 45 جانە 11، QazVac - 41 جانە 45 جاعداي تىركەلدى»، - دەدى ول ورتالىق كوممۋنيكاتسيلار قىزمەتىندە وتكەن بريفينگىدە.

Joǵary qaraı